काठमाडौं– नेपाल वैदेशिक रोजगार व्यवसायी एकता समिति सामाखुसीको अध्यक्ष हरिबहादुर पाण्डेले सर्वसम्मत नेतृत्व चयन हुने अवस्था आए आपूm बाधन नबन्ने बताएका छन् । बुधबार समितिले आयोजना गरेको व्यवसायिक भेलालाई सम्बोधन गर्दै अध्यक्ष पाण्डेले प्रगतिशिल वैदेशिक रोजगार व्यवसायी मञ्चको तर्फबाट आपूm अध्यक्षको उम्मेदवारी दिने तयारीमा रहेको भन्दै सहमति भए पछि हट्न तयार रहेको बताएका हुन् ।
लामो समयदेखि व्यवसायीको हक हितका लागि रगत वगाएर आएको भन्दै सधैँ व्यावसायीको हक हितका लागि लड्ने प्रतिवद्धतासमेत उनले व्यक्ति गरेका छन् । वैदेशिक रोजगारीका क्षेत्रमा रहेका व्यवसायीहरूको संरक्षणका लागि खोलिएको संस्थाको व्यवसायीका हक अधिकारका विषयमा आवाज उठाएको उनले बताए । ‘भेला संघको साधारण सभामा चुनाव हुने अवस्था आएमा एकता समितिमा आवद्ध व्यक्तिहरूलाई विजयी बनाउने उद्देश्यले आयोजना गरिएको हो,’ अध्यक्ष पाण्डेले भने ।
सरकारले पनि व्यवसायीलाई हेयको भावनाले हेरिरहेको भन्दै व्यवसायलाई मार्यादित र सुरक्षित बनाउनका लागि अब आउने नेतृत्व लाग्नु पर्ने अध्यक्ष पाण्डेले बताए । त्यस्तै कार्यक्रममा बोल्दै समितिका सल्लाहकार पदम पौडेलले फरक राजनीति आस्था भए पनि व्यवसायमा राजनीतिक हुन नहुने बताएका छन् । ‘अहिले घर–घरमा, भान्छा भान्छामा राजनीति भइरहेको छ, तर यो व्यवसायलाई मर्यादित बनाउनका लागि व्यवसायीहरू मिल्नुको विकल्प छैन,’ सल्लाकार पौडेलले भने । व्यवसायीलाई मजबुद र मर्यादित बनाउनका लागि सबल र सक्षम नेतृत्वको खाँचो रहेको उनले बताए ।
कार्यक्रममा बोल्दै समितिका महासचिव तारानाथ अर्यालले व्यवसायीलाई हेर्ने नजर परिवर्तन गर्नका लागि लाग्नु पर्ने बताएका छन् । ‘सरकारले व्यवसायीहरूलाई धेरै पैसा छ, त्यसलाई जोगाउन आएका हुन् भन्ने भावनाले हेर्ने गरेको छ, त्यसलाई चिर्नका लागि पनि सर्वसम्मत नेतृत्वको आवश्यकता छ,’ महासचिव अर्यालले भने । नेतृत्वमा समन्वय गर्न सक्ने व्यक्तिलाई पठाउनु पर्ने र सरकारले व्यवसाय गर्ने वातावरण निर्माण गरिदिनु पर्ने उनले बताए ।
-1752335779.jpg)
