काठमाडौं– नेपाल वैदेशिक रोजगार व्यवसायी संघको तचुनाव नजिकिएसँगै व्यवसायी संगठनहरू उम्मेदवारी टुंग्याउने अन्तिम तयारीमा जुटेका छन् । यही ३० पुसमा आयोजना हुने संघको साधारण सभाले नेतृत्वसमेत परिवर्तन गर्ने भएकाले व्यावसायीका संघसंगठनहरू आ–आङ्खना उम्मेदार छनोट गर्नमा व्यस्त देखिएका हुन् ।
आन्तरिक रूपमा तयारी भए पनि अहिलेको विषम परिस्थितिमा सर्वसम्मत नेतृत्वका लागि पहल भइरहेकाले प्रमुख दलनिकट व्यावसायीहरूले उम्मेदवार घोषणा गर्न केही ढिलाइ गरिरहेका छन् । प्रमुख सत्तारुढ दल नेपाली कांग्रेस तथा प्रमुख प्रतिपक्षी दल नेकपा एमालेनिकट व्यवसायी संगठनहरूले सर्वसम्मत रूपमा नेतृत्व चयनका लागि प्रयास जारी रहेकाले उम्मेदवारी घोषणामा ढिलाइ भएको बताएका छन् । एक दुई दिन सहमतिका लागि प्रयास गर्ने र त्यसपछि उम्मेदवारी घोषणा गरिने एमालेनिकट व्यवसायी संगठन प्रगतिशील वैदेशिक रोजगार व्यवसायी मञ्च नेपालका महासचिव कुमार केसीले बताएका छन् । मञ्चको तर्फबाट मोटामोटी रूपमा उम्मेदवारको नाम तयारी अवस्थामा रहेको भन्दै सर्वसम्मतिका लागि पहल भइरहेको समयमा सार्वजनिक नगरिएको उनले बताए ।
अहिले सर्वसम्मत रूपमा नेतृत्व चयन गर्नुपर्छ भन्ने आवाज उठिरहेको छ, त्यसकै लागि प्रयासहरू जारी रहेकाले उम्मेदवारी घोषणा गर्न केही ढिलाइ भएको हो,’ महासचि केसीले भने । ‘सहमति हुन नसकेको अवस्थामा बुधबारसम्म उम्मेदवारी घोषणा हुन्छ,’ महासचिव केसीले भने । अहिलेको विषम परिस्थितिमा सबै व्यावसायीहरू मिलेर जानुपर्ने आवश्यकता रहेको भन्दै त्यसका लागि मात्रै उम्मेदवारी घोषणामा केही ढिलाइ भएको केसीको भनाइ छ ।
यता सत्तारुढ दल नेपाली काग्रेसनिकट नेपाल लोकतान्त्रिक वैदेशिक रोजगार व्यवसायी एसोसिएसनले पनि सहमतिका लागि प्रयास भइरहेकाले ढिलाइ हुन पुगेको बताएको छ । सहमतिका लागि प्रयास भइरहेकाले उम्मेदवारीमा केही ढिलाइ भएको एसोसिएसनका अध्यक्ष नरेन्द्र ढकालले बताएका छन् । ‘सर्वसम्मतिकै लागि एसोसिएसनको तर्फबाट उम्मेदवारी घोषणा हुन ढिलाइ भएको हो, अब मंगलबारसम्म उम्मेदवारी घोषाणा हुन्छ,’ अध्यक्ष ढकालले भने । सर्वसम्मतका लागि पहल भइरहेको भए पनि त्यो सम्भावना न्यून हुँदै गएको अध्यक्ष ढकालले बताएका छन् । ‘प्रयासहरू भए तर सार्थकता पाउन सकेन, अब लोकतान्त्रिक प्रक्रियाबाट नेतृत्व चयन हुने अवस्था देखिएको छ,’ उनले बताए ।
यता, सत्तारुढ गठबन्धनमा सहभागी नेकपा एकीकृत समाजवादीनिकट एकीकृत वैदेशिक रोजगार व्यवसायी संगठनले भने उम्मेदवार घोषणा गरेको छ । उसले आङ्खनोतर्फबाट उम्मेदवार बन्नेहरूको नामावली सार्वजनिक गरेको हो । गठबन्धन निर्माणमा लचक हुने गरी उम्मेदवारी घोषणा गरिएको संगठनले जनाएको छ । संगठनका तर्फबाट संघका पूर्वप्रथम उपाध्यक्ष ज्ञानु गैरेको अध्यक्षतामा १७ जनाको प्यानल नै सार्वजनिक गरिएको छ ।
