दोहा– एक हप्ताको अवधिमा कुवेतले ४७४ विदेशी कामदारलाई देश निकाला गरेको समाचार छ । नेपाली कामदारको श्रम गन्तव्य रहेको कुवेतले एक हप्ताको अवधिमा ती विदेशी कामदारलाई देश निकाला गरेको हो ।
कुवेतको गृह मन्त्रालयका अनुसार २२ डिसेम्बरदेखि २८ तारिखसम्म आबासीय कानुन उल्लंघन गर्ने ती आप्रवासी कामदारलाई देश निकाला गरिएको जनाएको छ । विदेशी कामदारलाई देश निकाला यो निर्णय त्यहाँको गृह मन्त्रालयले लिएको र त्यसपछि गृह मन्त्रालयका उपसचिव लेफ्टिनेन्ट जनरल शेख फैसल अल–नवाफले पछ्याएका थिए । अहिलेसम्म हजारौँ आबासीय कानुन उल्लंघन गर्नेहरूलाई देश निकाला गरिसकेको मन्त्रालयले जनाएको छ ।
यसघि कुवेतले विभिन्न समयमा गैरकानुनी रूपमा बस्दै आएका नेपालीसहित बिदेशी नागरिकलाई कानुनी प्रक्रिया पूरा गरी कुवेतमै बस्न वा सिमित जरिवाना तिरेर आ–आफ्नो मुलुक फर्किन दिएको समय सीममा पनि नफर्किएकाहरू विरुद्ध कडा कदम चल्दै त्यस्ता व्यक्तिहरूलाई पक्राउ गरेको छ । कुवेतले गैरकानुनी रूपमा बसेका बिदेशी कामदारमाथि धडपकडको अभियान नै संचालन गरेर आवासीय भिसा अनुमतिबिनै लुकीछिपी बसेका हजारौँ बिदेशी कामदारलाई पक्राउ गरिरहेको छ ।
-1745656903.jpeg)