दोहा– मलेसियाले कागजविहीन आप्रवासीहरूलाई स्वदेश फिर्ता हुने (क्यालिब्रेसन) कार्यक्रमको म्याद पुनः थप गर्दै ३१ डिसेम्बरदेखि आगामी वर्ष ३० जुनसम्म लम्ब्याएको छ । बुधबार मलेसियामा बसेको मन्त्रिपरिषद्को बैठकले म्याद थप गर्ने जानकारी गरेको त्यहाँको अध्यागमन विभागका महानिर्देशक खैरुल जाइमी दाउदले बताए ।
सन् २०२० डिसेम्बरदेखि सञ्चालनमा आएको क्यालिब्रेसन कार्यक्रममार्फत २०२१ को डिसेम्बर २१ तारिखसम्ममा १ लाख ९२ हजार २८१ जना कागजविहीन विदेशीहरूले स्वदेश फर्किनलाई आवेदन दिएको महानिर्देशक दाउदले बताए । उनका अनुसार आवेदन दिएका मध्ये अहिलेसम्म १ लाख ६२ हजार ८२७ कागज बिहिन आप्रबासी श्रमिक मलेसियाबाट स्वदेश फर्किसकेका छन् । यस कार्यक्रममा सामेल हुन चाहनेहरूले आङ्खनो सम्बन्धित दूतावास र उच्च आयोगहरूद्वारा अनुमोदित वैध यात्रा कागजातहरू साथै आङ्खनो देशको उडान वा टिकटहरू लिन आवश्यक रहेको उनले बताए ।
अनडकुमन्टेड नेपालीले कसरी फर्किने घर ?
स्वदेश फर्कने अनडकुमन्टेड नेपालीले राहदानी वा ट्राभल डकुमेन्ट र हवाई टिकट लिएर सिधै विमानस्थल जान सकिने र त्यहाँको इमिग्रेसनबाट चेक आउट मेमो लिएर घर जान सकिने त्यहाँ रहेको नेपाली दूतावासले जनाएको छ । दूतावासका अनुसार गैरकानुनी नेपालीले स्वदेश फर्कनका लागि कोरोना रिपोर्ट नेगेटिभ भएको प्रमाणपत्र, कोरोना खोप नलगाएको भए नेपालमा होटल क्वारेनटाइन बुक गरेको पेपर र खोप लगाएको भए सोको प्रमाणपत्र बोकेर विमानस्थल जानु पर्नेछ ।
नगद कारोबार नहुने भएकाले अध्यागमन बिभागमा तिर्नुपर्ने जरिवाना ५ सय रिङगेट क्रेडिट कार्ड, डेबिट कार्ड वा टच एन्ड गो कार्डबाट तिर्नु पर्नेछ । पासपोर्ट नभएको हकमा यात्रा अनुमतिपत्र बनाउनका लागि दूतावासमा नागरिकताको प्रतिलिपि, पुरानो पासपोर्टको प्रतिलिपि, पासपोर्ट साइजको दुई प्रति रंगिन फोटो र १६० मलेसियन रिंगेट दस्तुर तिरी ट्राभल डकुमेन्ट बनाएर पनि स्वदेश फर्किन सकिने दूतावासले जनाएको छ ।
-1752335779.jpg)
