काठमाडौं– नेपाल वैदेशिक रोजगार व्यवसायी सघको सचिव मेघनाथ भुर्तेलले संघको महासचिवमा दाबी पेस गर्ने बताएका छन् । बुधबार प्रभाव दैनिकसँगको कुराकानीमा सचिव भुर्तेलले संघमा दुई कार्यकालसम्म लगातार योगदान दिएको र व्यावसायीको हक हितका लागि सधैँ प्रयासरत रहेकाले आफू महासचिवका योग्य भएको दाबी गरे ।
संघमा सचिवभन्दा माथिको पद महासचिव भएकाले पनि स्वभाविक रूपमा पनि त्यसमा आफ्नो दाबी रहने उनले बताएका छन् । आफूले आफ्नो पदीय दायित्वबाट कहिल्यै पनि पछि नहटेको भन्दै व्यावसायीको पक्षमा आवाज उठाउन आफू महासचिव योग्य भएको पनि उनको दाबी छ । उनले भने, ‘अबको निर्वाचनमा म महासचिवको दाबेदार हुँ ।’ संघको चुनाव आगामी २३ पुसमा हुँदै छ ।
कुराकानीकै क्रममा सचिव भुर्तेलले सबै मिलेर अगाडि बढ्नु पर्ने बताएका छन् । संघमा दुई कार्यकाल रहेका उनले व्यावसायीको हक हितका लागि सबै मिलेर नेतृत्व चयन गर्नु पर्ने बताए ।
अगाडि नेतृत्व गरेकाहरूलाई राजनीति करण नगरी आमव्यावसायीबाट सर्वसम्मत रूपमा नेतृत्व चयन गर्नु पर्ने उनले बताएका छन् । सबै पार्टीका व्यवसायीहरू रहेको र उनीहरूले अपनत्व महसुस गर्ने गरी नेतृत्व चयन गर्नेतर्फ लाग्नु पर्ने उनले बताए । व्यावसायीहरूले सर्वसम्मत रूपमा नेतृत्व चयन गरेर सकारात्मक सन्देश दिनुपर्ने उनको तर्क छ । ‘व्यवसायीहरू पनि सुध्रिए छन्, राजनीतिकरण नगरी व्यावसायी हितका लागि नेतृत्व गर्न आए भन्ने सन्देश दिनका लागि मैले भेटेका जतिलाई सर्वसम्मत नेतृत्व चयनका लागि आग्रह गरेको छु,’ उनले भने । सोही अनुसार अगाडि बढ्नु पर्ने उनले बताएको छन् ।
राजनीति मत विभाजनका आधारमा नेतृत्वमा परीक्षण भइसकेकाहरूलाई राज्यले गर्ने व्यवहारका कारण पनि सर्वसम्मत रूपमा नेतृत्व चयन गरेर सकारात्मक सन्देश दिनु पर्ने उनले बताएका छन् । कोभिडलगायत विभिन्न कारण समस्यामा रहेको यो क्षेत्रलाई चलायमान बनाउन पनि यो विकल्पको आवश्यकता रहेकको उनले दाबी गरे ।
-1752335779.jpg)
