काठमाडौं– कतारमा रहेका सबैलाई कोरोना विरुद्धको बुस्टर डोज लगाउन पाउने भएका छन् । कतारमा ६ महिनाअगाडि कोभिड–१९ विरुद्धको खोप लगाएका सबै व्यक्तिलाई बुस्टर डोज लगाउन पाउने भएका हुन् ।
कोभिडविरुद्धको दोस्रो खोप लगाएका सबै व्यक्तिहरू बुस्टर डोज लगाउन योग्य रहेको कतारको स्वास्थ्य मन्त्रालयले जनाएको त्यहाँका स्थानीय सञ्चार माध्यमले जनाएका छन् । समाचारमा जनाइएअनुसार खोपको दोस्रो मात्रा लगाएकाहरूलाई बुस्टर डोजका रूपमा तेस्रो खोप दिन लागिएको हो । यसअगाडि दोस्रो खोप लगाएको ८ महिना पुगेकाहरूले मात्र बुस्टर डोजका रूपमा तेस्रो खोप लगाउन पाउने व्यवस्था थियो । तर पछिल्लो अध्ययनहरूले कोभिड–१९ विरुद्धपहिलो खोप लगाएको ६ महिनापश्चात कोभिड–१९ विरुद्ध लड्ने क्षमता कमजोर हुने देखाएका कारण ६ महिना पुगेकाहरूलाई नै बुस्टर डोज दिन लागिएको समाचारमा जनाइएको छ ।
कोभिड–१९ विरुद्धको खोप लगाएको ६ महिना पुगेका सबै व्यक्तिले खोप लगाउने पाउने भएका कारण समय पुगेका व्यक्तिहरूलाई सम्बन्धित निकायमा सम्पर्क गर्न अनुरोधसमेत गरिएको छ । विगत दुई सातायता कोभिडका संक्रमितहरूको संख्या बढ्दै गएको र त्यसमा यसअगाडि खोप लगाएकाहरू पनि देखिएको समाचारमा जनाइएको छ । बुस्टर डोज कतारका सबै प्राथमिक स्वास्थ्य हेरचाह केन्द्र (पिएचसिसी) हरूमा दिइने र ती निकायले सम्पर्क गर्ने बताइएको छ । यस विषयमा थप जानकारी आवश्यक परेमा पिएचसिसीको हट लाइन नम्बरमा सम्पर्क गर्नसमेत अनुरोध गरिएको छ ।
-1745656903.jpeg)