काठमाडौं– मलेसियामा रहेको नेपाली दूतावासले त्यहाँको जोहोरबारुबाट एकदिने कन्सुलर सेवा प्रदान गर्ने भएको छ । दूतावासले २१ नोभेम्बरका दिन जोहोरबारुबाट दूतावासले सूचना जारी गर्दै मलेसियाका विभिन्न राज्यमा रहेका नेपालीहरूलाई सरल र सहज रूपमा सेवा उपलब्ध गराउने उद्देश्यले जोहोरबारुमा कार्यक्रम गर्न लागिएको जनाएको छ । सो कार्यक्रममा जोहोरबारु आसपासका नेपालीलाई सहभागी हुनका लागी दूतावासले अनुरोध गरेको छ । २१ नोभेम्बरका दिन विहान ९ बजेदेखि दिउँसो ३ वजेसम्म कन्सुलर सेवा प्रदान गरिने र अन्तक्र्रिया कार्यक्रम पनि हुने विज्ञप्तिमा जनाइएको छ ।
सो अवसरमा राहादानी नवीकरण, राहदानी बिग्रेको हराएको वा च्यातिएका व्यक्तिहरूले सेवा लिन सक्ने जनाइएको छ । त्यस्तै एक तर्फी यात्रा अनुमति जारी गर्ने कार्य पनि गरिने र श्रम सम्बन्धी गुनासोमा अन्तक्र्रिया गरिने बताइएको छ । राहदानी नवीकरणका लागि २ सय १० रिंगेट, बिग्रेको सच्याउन ४ सय २० र एकतर्फी यात्रा अनुमतिका लागि १ सय ६० रिंगेट शुल्क लाग्ने दूताबासले जारी गरेको सूचनामा जनाइएको छ । कन्सुलर सेवाका लागि आवश्यक पर्ने कागजातसहित उपस्थित भएर मौकाको सदुपयोग गर्न दूतावासले त्यो क्षेत्रका नेपालीहरूलाई अनुरोध गरेको छ ।
-1745656903.jpeg)