काठमाडौं– नेपालीहरूको रोजगार गन्तव्य मुलुक कुवेतले सबै प्रकारका भिसा जारी गर्ने तयारी गरेको छ । कोरोना संक्रमण दर घट्दै गएको भन्दै कुवेत सरकारले वर्क परमिटसँगै वर्किङ भिसा, बिजनेस भिसा, टुरिस्ट भिसालगायत सबै प्रकारका भिसा जारी गर्ने तयारी गरेको त्यहाँका स्थानीय सञ्चार माध्यमले जनाएका छन् ।
कुवेतको आन्तरिक मन्त्रालयलाई उद्धृत गर्दै कुवेत टाइम्सले सो समाचार लेखेको छ । यो नियम कुवेत सरकारले मान्यता दिएको खोपको दुवै मात्रा लगाएकाहरूका लागि मात्रै लागू हुने समाचारमा जनाइएको छ । खोपको पूर्ण मात्रा लगाएको हुनु पर्ने अनिवार्य सर्तसहित भिसा खुला गर्ने तयारी भएको समाचारमा उल्लेख गरिएको छ । खोप लगाएकाहरूले क्युआर कोडसहितको भ्याक्सिनेसन सर्टिफिकेट भिसाको आवेदन दिँदा पेस गर्नु पर्ने बताइएको छ । अन्य खोप लगाएकाहरूको हकमा भने भो बुस्टर डोज लगाएको हुन पर्ने नियम राखिएको समाचारमा जनाइएको छ ।
कुवेतले कोरोना महामारी रोकथामका लागि भन्दै नयाँ भिसा जारी गर्न रोकेको थियो । तर पछिल्लो समय कोरोना संक्रमण घट्दै जाँदा लगाएका प्रतिबन्धहरू पनि खुकुलो बनाउँदै लगेको बताइएको छ । कुवेतले सबै प्रकारका भिसा जारी गर्न थालेपछि विदेशीका लागि वर्क परमिट पनि गर्ने जनाएको समाचारमा उल्लेख गरिएको छ ।
-1745656903.jpeg)