काठमाडौं– वैदेशिक रोजगारीमा पठाउने म्यानपावरमध्ये ७२ वटा म्यानपावर कम्पनीले असोज महिनामा १ सयभन्दा बढी श्रमिक वैदेशिक रोजगारीमा पठाएका छन् । असोज महिनामा ५ सय ६८ वटा कम्पनीले विदेश श्रमिक पठाएकोमो ७१ वटा म्यानपावर कम्पनीले एक सय श्रमिक पठाएको वैदेशिक रोजगार विभागको तथ्यांकले देखाएको हो ।
असोज महिनामा सबैभन्दा बढी एस.ओ.एस म्यानपावरबाट ६ सय १७ जना रोजगारीका लागि विदेश गएको तथ्यांकमा देखिएको छ । त्यस्तै धेरै श्रमिक विदेश पठाउनेको दोस्रो नम्बरमा अक्फोर्ड इन्टरनेशनल परेको छ । अक्फोर्डले असोज महिनामा ५ सय ८४ जना श्रमिक विदेश पठाएको छ । त्यस्तै असोज महिनामा प्रदेश इन्टरनेशनल प्रा.लि.ले ५ सय ११ जना श्रमिकलाई रोजगारीका लागि विदेश पठाएको छ । ट्यालेन्ट ओभरसिस प्रा.लि.ले ४ सय ८२ जना, पजल इन्टरनेशनल प्रा.लि.ले ४ सय १६ जना श्रमिकलाई विदेश पठाएको विभागको तथ्यांकले देखाएको छ ।
असोज महिनामा ७ वटा कम्पन्नीले ३ सय र २१ व्टा कम्पनीले २ सय जना श्रमिक पठाएको विभागको तथ्यांकलमा उल्लेख गरिएको छ । अघिल्लो महिना १६ वटा कम्पनीले २ सय श्रमिक पठाएका थिए । अघिल्लो महिना सबैभन्दा बढी श्रमिक प्रदेश इन्टरनेशनल प्रा.लि.ले पठाएको थियो । भदौ महिनामा उसले ८ सय ५ जना श्रमिक विदेश पठाएको थियो । ३९ हजार ६ सय ७१ जना विदेश गएकामध्ये एक जना मात्रै विदेश पठाउने म्यानपावर कम्पनीको संख्या २७ वटा रहेको देखिएको छ । त्यस्तै २ जना पठाउनेको संख्या १६, तीन जना पठाउनेको संख्या १९, चार जना पठाउने संख्या पनि १९ र ५ जना श्रमिक विदेश पठाउने म्यानपावर कम्पनीको संख्या १७ वटा रहेको छ ।
११ जिल्लाबाट एक हजार भन्दा बढी
यसैबीच, असोज महिनामा ११ वटा जिल्लाबाट १ हजारभन्दा बढी श्रमिक विदेशिएका छन् । चालू आर्थिक वर्षको असोज महिनामा सबैभन्दा बढी धनुषाबाट रोजगारीका लागि २ हजार ९ सय ६५ जना विदेशिएको तथ्यांकले देखाएको छ । जसमा नयाँ श्रम स्वीकृति लिनेको संख्या २ हजार २ सय २७ र ६ सय ८१ ज्ना पुनः श्रम स्वीकृति लिने रहेका छन् । त्यस्तै महोत्तरीबाट २ हजार २ सय ६ जना विदेशिएका छन् । त्यसमा १ हजार ६ सय ७६ जना नयाँ र ५ सय ३० जना पुराना रहेका छन् । त्यस्तै हजारभन्दा बढी विदेशिने जिल्लाहरूमा सिराहबाट २ हजार १ सय ७५ (नयाँ १६२९, पुराना ५४६) जना, झापाबाट १ हजार ५ सय ७२ (नयाँ ९८२, पुराना ५९०) जना, सर्लाहीबाट १ हजार ५ सय २१ (नयाँ १२४६, पुराना २७५) जना रहेका छन् ।
त्यस्तै एक हजार विदेशिने अन्य जिल्लामा सप्तरीबाट १ हजार ५ सय ७ (नयाँ १२१६, पुराना २९१) जना, मोरङबाट १ हजार ४ सय ३५ (नयाँ ९८७, पुराना ४४८) जना, सुनसरीबाट १ हजार ३ सय २० (९०८ नयाँ,४१२ पुराना) जना, नवलपसासीबाट १ हजार २ सय १२ (नयाँ ८०६, पुराना ४०६) जना विदेश गएको विभागको तथ्यांकले देखाएको छ । त्यस्तै रूपन्देही र रौतहडबाट पनि असोज महिनामा १ हजार भन्दा बढी रोजगारीका लागी विदेश गएका छन् । रूपन्देहीबाट १ हजार ७० (नयाँ ६५०, पुराना ४२०) जना र रौतहडबाट १ हजार ५१ –नयाँ ८५५, पुराना १९६) जना रहेका छन् ।
यसैगरी, असोज महिनामा ३ जिल्लाबाट १० जना भन्दा कम र ४ जिल्लाबाट २० जना भन्दा कम व्यक्ति रोजगारीका लागि विदेशिएका छन् । असोज महिनामा सबैभन्दा कम मनाङबाट ३ जना मात्रै वैदेशिक रोजगारीमा गएको देखिएको छ । त्यस्तै डोल्पाबाट ६ जना र हुम्लाबाट ८ जना विदेशिएको देखिएको छ । त्यस्तै मुगुबाट ११, बाजुराबाट १४, कालिकोटबाट १५ र मुस्ताङबाट २० जना विदेश गएको विभागको तथ्यांकले देखाएको छ ।
-1745656903.jpeg)