काठमाडौं– गैरआवासीय नेपाली संघ (एनआरएनए) को राष्ट्रिय समन्वय परिषद् (एनसिसी) ले अन्तर्राष्ट्रिय समन्वय परिषद् (आइसिसी) ले असमान व्यवहार भएको निष्कर्ष निकालेको छ । आइतबार भएको एनसिसीको विश्व भेलाले आइसिसीले एनसिसीलाई असमान व्यवहार गरेको आरोप लगाएको हो ।
भेलाको निष्कर्ष सार्वजनिक गर्न आयोजित पत्रकार सम्मेलनमार्फत एनसिसीले आइसिसिले आफू अनुकूल प्रतिनिधि छनोट गर्न एनआरएनएको नेतृत्वले गलत कार्य गरेको आरोप लगाएका छन् । त्यस्तै व्यक्तिगत स्वार्थका कारण संघको चुनाब हुन नसकेको उनीहरूको बताइएको छ । भेलाले सातबुँदे निष्कर्ष निकाल्दै संघको वर्तमान नेतृत्वका कारण संस्था गतिहीन र विवादित बन्न पुगेको एनसिसीको निष्कर्ष छ । सो विश्व भेलाले संस्थाको गरिमा कायम राख्नका लागि संरक्षक परिषद्ले पहल गर्नुपर्ने एनसिसी अमेरिकाका अध्यक्ष बुद्धि सुवेदीले बताए । त्यस्तै परराष्ट्र मन्त्रालले दिएको निर्देशन कार्यान्वयन गर्नका लागि पनि एनसिसीले आइसिसीलाई आग्रह गरेको छ । नेतृत्वले संघको विधानको गलत व्याख्या गरेको उनीहरूको निष्कर्ष रहेको छ । संघको नेतृत्वले निर्वाचित पदाधिकारीलाई सम्मेलनमा भाग लिन नपाउने व्यवस्था गर्नु गलत भएको ठहर गरेको छ ।
तोकिएको समयमा एनआरएनएको चुनाव हुन नसकेपछि एनसिसीहरूले विश्व भेलाको आयोजना गर्नु परेको बताएका छन् । एनसिसी अमेरिकाको संयोजनमा भएको सम्मेलनमा ८० प्रतिशतभन्दा बढी एनसिसीहरूका अध्यक्ष तथा पदाधिकारीहरूको सहभागिता रहेको दाबी गरिएको छ । पत्रकार सम्मेलनमा बोल्दै एनसिसी वेलायतका अध्यक्ष प्रेम गाहा मगरले एनसिसीको विश्व भेला भएलगत्तै सोमबार संरक्षक परिषद्का सदस्यहरूको बैठक बसेको भन्दै खुसी व्यक्त गरे ।
एनसिसी अमेरिकाका अध्यक्ष बुद्धि सुवेदीले संस्थालाई कमजोर बनाउन वा कुनै गुटको पक्षमा नभई संस्थालाई बलियो बनाउन विश्व भेला गरिएको बताएका छन् । ४३ अध्यक्षहरू र ५० भन्दा बढी एनसिसीका पदाधिकारीहरू विश्व भेलामा सहभागी भएको उनले बताए ।
-1745656903.jpeg)