काठमाडौं– नेपालीहरूको मुख्य श्रम गन्तव्य मुलुकमध्ये एक मलेसियामा नेपाली श्रमिकको मृत्युदर बढेको विषयमा अध्ययन हुने तयारी भएको छ । मलेसियाको मानव अधिकार आयोग (सुहाकाम) ले नेपाली श्रमिक मृत्युदर बढेको विषयमा अध्ययन गर्ने क्वालालम्पुरमा रहेको नेपाली दूताबासले जनाएको हो ।
सुहाकामका आयुक्त जेराल्ड जोसेफले नेपाली दूतावासबाट सन् २०१८ देखि जुलाई २०२१ को बीचमा १ हजार १ सय ५८ जना नेपाली श्रमिकको मलेसियामा मृत्यु भएको जानकारी प्राप्त गरेको भन्दै यस विषयमा अध्ययन गरिने बताएको दूतावासले जनाएको छ । स्थानीय सञ्चार माध्यमहरूका अनुसार पनि यसरी मृत्यु हुनेहरू मध्ये बहुसंख्यकको मृत्युको कारण आत्महत्या, निमोनिया, कोभिड–१९ तथा अन्य रोगहरू रहेको छन् ।
यो अध्ययनमा श्रम विभाग, स्वास्थ्य तथा सुरक्षा विभागलगायतलाई पनि संलग्न गराइने सहाकामका आयुक्त जोसेफले जनाएको त्यहाँका स्थानीय सञ्चार माध्यमहरूले जनाएका छन् । उनका अनुसार मृत्युको कारण र यसका जिम्मेवार को हुन् भन्ने बारेमा अध्ययन गरिने समाचारमा उल्लेख गरिएको छ ।
-1752335779.jpg)
