काठमाडौं– श्रम रोजगार तथा सामाजिक सुरक्षा मन्त्री कृष्णकुमार श्रेष्ठ (किशन) ले वैदेशिक रोजगार पेसालाई सम्मानित बनाउनेतर्फ लाग्ने बताएका छन् । बिहीबार बधाई दिन पुगेको नेपाल वैदेशिक रोजगार व्यवसायी संघको टोलीसँग मन्त्री श्रेष्ठले यस्तो बताएका हुन् ।
रेमिट्यान्सबाट देश चलेको भन्दै आफूले यो पेसालाई मर्यादित बनाउनका लागि सक्दो कोसिस गर्ने बताएको संघका सचिव मेघनाथ भुर्तेलले जानकारी दिए । देशको कुल गाह्र्रस्थ उत्पादनको ठूलो हिसा ओगटेको यो पेसालाई सम्मानका साथ हेर्नु पर्ने मन्त्री श्रेष्ठले बताएका छन् ।
लिखित रूपमा कुनै माग प्रस्तुत गर्ने भन्दा पनि नयाँ मन्त्रीलाई बधाई दिनका लागि संघका कार्यबाहक अध्यक्ष कमल तामाङको नेतृत्वमा संघको टोलीले नयाँ मन्त्रीलाई बधाई ज्ञापन गरिएको सचिव भुर्तेलले बताए । अहिले मन्त्रीलाई बधाईका लागि मात्रै भेटघाट गरिएको र केही समयपछि यो क्षेत्रका समस्या समाधानका लागि मन्त्रीसँग छलफल हुने भुर्तेलको बताएका छन् ।
