काठमाडौं– नेपाली श्रमिकको प्रमुख श्रम गन्तव्य मुलुकमध्ये एक मलेसियामा पछिल्लो समय कोरोना संक्रमण र मृत्युदर केही मात्रामा घटेको छ । मे महिनादेखि बढ्न सुरु भएर २६ अगस्टमा २४ हजारभन्दा माथि पुगेको संक्रमणदर अहिले १५ हजारभन्दा केही बढी र ११ सेप्टेम्बरमा ५ सय ९२ जनाको मृत्यु भएको मलेसियामा पछिल्लो समय दैनिक ३ सय भन्दा केही बढीको मृत्यु भइरहेको कोरोनाको तथ्यांक सार्वजनिक गर्ने निकाय वल्ड्रोमटिरको तथ्यांकले देखाएको हो ।
तथ्यांकअनुसार मलेसियमा पछिल्लो एक हप्ता १५ सेप्टेम्बरदेखि २१ सेप्टेम्बरसम्म कोरोना संक्रमिति हुनेको संख्या १ लाख १६ हजार ४ सय ९६ जना रहेको छ भने सोही अवधिमा मृत्यु हुनेको संख्या २ हजार ५ सय ११ जना रहेको छ । मलेसियमा १५ सेप्टेम्बरमा ४ सय ४२ जनाको मृत्यु भएको थियो भने २१ सेप्टेमरका दिन ३ सय ३४ जनाको कोरोनाका कारण मृत्यु भएको तथ्यांकमा उल्लेख छ । १५ सेप्टेम्बरमा १९ हजार ४ सय ९९ जनामा संक्रमण पुष्टि भएको मलेसियामा २१ सेप्टेम्बरमा १५ हजार ७ सय ५९ जनामा संक्रमण पुष्टि भएको देखिएको छ । एक हप्ताको अवधिमा सबै भन्दा कम ३ सय १ जनाको मृत्यु र १४ हजार ३ सय ४५ जनामा संक्रमण पुष्टि २० सेप्टेम्बरका दिन भएको देखिएको छ ।
मलेसियमा सबैभन्दा बढी २६ अगस्टका दिन २४ हजार ५ सय ९९ जनामा कोरोना संक्रमण पुष्टि भएको थियो । यो एकै दिन संक्रमण पुष्टि भएको अहिलेसम्म कै सबैभन्दा धेरै भएको बताइएको छ । त्यस्तै ११ सेप्टेम्बरमा ५ सय ९२ जनाले कोरोनाका कारण ज्यान गुमाएका थिए । यो पनि मलेसियमा कोरोना संक्रमणदेखि यताको सबैभन्दा बढी भएको वल्ड्रोमिटरको तथ्यांकले देखाएको छ । मलेसियामा हालसम्म कोरोना संक्रमण पुष्टि हुनेको संख्या २१ लख २७ हजार ९ सय ४३ जना पुगेको छ । यसमध्ये २४ हजार ७८ जनाको मृत्यु भएको छ । संक्रम पुष्टि भएका मध्ये १८ लाख ९७ हजार ३ सय ८३ जना संक्रमण मुक्त भएका छन् । अहिले मलेसियमा २ लाख ६ हजार ४ सय ७३ जना सक्रिय संक्रमित रहेको बताइएको छ ।
यता अर्को रोजगारदाता मुलुक साउदी अरबमा पनि पछिल्लो समय कोरोनाको संक्रमणदर तथा मृत्युदरमा कमी आएको देखिएको छ । पछिल्लो एक हप्ताको अवधिमा मलेसियमा कोरोनाका कारण ३९ जनाले ज्यान गुमाएको तथ्यांकले देखाएको छ । त्यस्तै सोही अवधिमा ५ सय १८ जनामा संक्रमण पुष्टि भएको देखिएको छ । जब कि सन् २०२१ को १ जुलाइका दिन त्यहाँ १ हजार ५ सय ३४ जनामा संक्रमण पुष्टि भएको तथ्यांकमा देखाइएको छ । साउदीमा १७ जुन २०२० मा एक दिन सबैभन्दा बढी ४ हजार ९ सय १९ जनामा संक्रमण पुष्टि भएको थियो ।
सन् २०२१ को जुन १३ का दिन मृत्यु हुनेको संख्या १९ जना रहेको थियो । जुन यो वर्षको अहिले सम्मकै उच्च रहेको बताइएको छ । त्यस्तै साउदीमा ५ जुलाई २०२० मा ५८ जनाको मृत्यु भएको थियो जुन एकै दिन मृत्यु हुने अहिलेसम्मकै सबैभन्दा धेरै भएको बताइएको छ । साउदीमा अहिलेसम्म कोरोनाबाट संक्रमित हुनेको संख्या ५ लाख ४६ हजार ६ सय ८१ जना पुगेको वल्ड्रोमिटरको तथ्यांकले देखाएको छ । त्यसमध्ये ८ हजार ६ सय ७२ जनाको मृत्यु भएको छ भने ५ लाख ३५ हजार ६ सय ५० जनाले निको भएको देखिएको छ । साउदीमा हाल २ हजार ३ सय ५९ जना संक्रिय संक्रमित रहेको तथ्यांकमा देखाइएको छ ।
यता कतारमा पनि कोरोनाको संक्रमण दर दैनिक रूपमा घट्दै गएको देखिएको छ । त्यहाँ १३ अप्रिलमा ९ सय ८१ जनामा संक्रणम देखिएको तथ्यांकले देखाएको छ । २१ सेप्टेम्बरमा १ सय ४३ जनामा संक्रमण पुष्टि भएको देखिएको छ । कतारमा अहिले सम्म एकै दिन सबै भन्दा धेरै १० जनाको मृत्यु भएको छ । १५ अप्रिल र २५ अप्रिलका दिन कोरोनाका कारण त्यहाँ १० जनाको मृत्यु भएको थियो । जुन एकै दिन मृत्यु हुने अहिलेसम्मकै धेरै हो । पछिल्लो समय ६ सेप्टेम्बरमा एक जनाको मृत्यु भएको र त्यस पछि कोरोनाका कारण कतारमा कुनै पनि व्यक्तिको मृत्यु नभएको तथ्यांकमा देखिएको छ । हालसम्म कतारमा कोरोनाका कारण ६ सय ४ जनाको मृत्यु भएको छ । २ लाख ३५ हजार ७ सय ६९ जनामा संक्रमण देखिएको र २ लाख ३३ हजार ६ सय जना निको भएको बताइएको छ । अहिले १ हजार ५ सय ६५ जना संक्रिय संक्रमति रहेको तथ्यांकले देखाएको छ । यसबाहेक युएई, ओमान, बहराइन, कुवेतमा पनि मृत्यु हुने र संक्रमण पुष्टि हुनेदर घट्दै गएको तथ्यांकमा देखिएको छ ।
-1745656903.jpeg)