काठमाडौं– गैरआवासीय नेपाली संघ एनआरएनए) का अध्यक्षका उम्मेदवार कुल आचार्यले एनआरएनए सदस्य संख्या ५ लाख पु¥याउने लक्ष्य रहेको बताएका छन् । । अध्यक्षका उम्मेदवार आचार्यले थप मुलुकमा संघको शाखा विस्तार गरेर तथा राष्ट्रिय समन्वय परिषद्लाई क्रियाशील बनाउँदै सदस्य संख्या बढाउने बताएका हुन् ।
जबकि अहिले एनआरएनएको सदस्य संख्या एक लाखभन्दा केही बढी मात्रै रहेको बताइएको छ । नयाँ नेतृत्वमा विजयी भएको खण्डमा सुधारका विभिन्न कार्यक्रम गरी सदस्य संख्या बढाउनेतर्फ लाग्ने उनले बताएका छन् । अहिले रहेको संख्याभन्दा ५ गुणा सदस्य संख्या बढाउने महत्वकांक्षी लक्ष्य प्रस्तुत गरेका हुन् । उनले संघका राष्ट्रिय समन्वय परिषद (एनसिसी) हरूको संख्या एक सय पु¥याउने पनि बताएका छन् । हालसम्म ८४ देशमा एनआरएनए पुगे तापनि बीसभन्दा बढी एनसिसी निष्क्रिय रहेको बताइएको छ ।
आचार्यले तेस्रो पुस्तापछिका गैरआवासीय नेपालीहरूको नेपालमा पैतृक सम्पत्तिको अधिकार सुरक्षित गर्नुका साथै राहदानीसहित नागरिकताको अधिकार स्थापित गर्ने योजना रहेको पनि बताएका छन् । ‘मैले प्रधानमंत्री शेरबहादुर देउवालगायत प्रमुख दलका नेताहरूसँग भेटवार्ता गरेको छु र उहाँहरू सबैजना सकारात्मक हुनुहुन्छ,’ आचार्यले भने । ‘म्यान्मार, थाइल्यान्डलगायत मुलुकमा बसोबास गरिरहेका नेपाली मूलका दाजुभाइ, दिदीबहिनीहरूलाई’ पिपुल अफ नेपाली अरिजिन’ (पिएनओ) को मान्यता दिलाउन अधिकतम् प्रयास गर्नेछु,’ उनले भने । उनले सुरक्षित र मर्यादित वैदेशिक रोजगारीका लागि अभियान सञ्चालन गर्ने पनि बताएका छन् ।
यसैबीच, आचार्यले कोभिडका कारण रोजगारी गुमाएर फर्केका युवाहरूका लागि ‘एक एनआरएन, एक रोजगार अभियान’ समेत सुरु गर्ने घोषणा गरेका छन् । नेपाल सरकार तथा निजी क्षेत्रसँगको सहकार्यमा ‘एनआरएनए सीप विकास केन्द्र’ स्थापना गर्ने र पछि सातै प्रदेशमा ती केन्द्रहरूको विस्तार गर्ने योजना रहेको उनले सुनाए ।
गैरआवासीय नेपाली तथा नेपालमा रहेका तिनका परिवारलाई सहुलियत दरमा गुणस्तरीय सेवा उपलब्ध गराउन विभिन्न स्वास्थ्य संस्थाहरूसँग सम्झौता गरिने कार्ययोजना समेत बनाइसकेको उनले बताएका छन् । विदेशमा हुर्किरहेका बालबालिकाहरूलाई नेपाली भाषा सिकाउन पाठ्यपुस्तक र मोबाइल एप निर्माण गर्ने र अनलाइन कक्षाहरू सञ्चालन गर्ने योजना रहेको उनले बताए ।
यसैबीच, आचार्यले एनआरएनए खेलकुद प्रतिष्ठान स्थापना गर्नेसमेत जनाएका छन् । गैरआवासीय नेपाली खेल प्रतिभाहरूको विकासमा सघाउन उद्देश्यका साथ यो कार्यक्रम सञ्चालन गरिने उनले बताए ।
छन् । ‘मैले प्रधानमंत्री शेरबहादुर देउवालगायत प्रमुख दलका नेताहरूसँग भेटवार्ता गरेको छु र उहाँहरू सबैजना सकारात्मक हुनुहुन्छ,’ आचार्यले भने । ‘म्यान्मार, थाइ ल्यान्डलगायत मुलुकमा बसोबास गरिरहेका नेपाली मूलका दाजुभाइ, दिदीबहिनीहरूलाई’ पिपुल अफ नेपाली अरिजिन’ (पिएनओ) को मान्यता दिलाउन अधिकतम् प्रयास गर्नेछु,’ उनले भने ।
