काठमाडौं– अफगानिस्तानबाट ८ सय ४७ जनाको उद्धार गरिएको छ । बुधबार ९ जनाको उद्धार गरेसँगै नेपाल फर्किनेको संख्या ८ सय ७४ पुगेको परराष्ट्र मन्त्रालले जनाएको हो । मन्त्रालयले जारी गरेको प्रस विज्ञप्तिमा काबुलबाट मंगलबार ५ जना र बुधबार ९ जनाको उद्धार गरिएको जनाइएको छ ।
अफगानिस्तामा बाँकी रहेका नेपाली नागरिकको उद्धारका लागि समन्वय भइरहेको मन्त्रालयले जनाएको छ । त्यहाँ रहेका नेपालीको विभिन्न अन्तर्राष्ट्रिय मिसनहरूसँग समन्वय गरेर सरकारले उद्धार गरिरहेको जनाइएको छ । काबुलमा रहेको अमेरिकी मिसनमा काम गर्ने नेपालीहरूलाई अमेरिकी मिसनले नै स्वदेश फार्काइसकेको बताइएको छ ।
अफगानिस्तानमा तालिवानले कब्जा गरेपछि त्यहाँ रहेका अन्य नेपालीको उद्धारका लागि समन्वय भइरहेको मन्त्रालयले जनाएको छ । काबुल विमानस्थलमा हमला भएपछि अफगानिस्तानमा रहेका युवाका परिवारहरूमा चिन्ता थपिएको छ । अहिले पनि सरकारले त्यहाँ रहेका र सरकारको सम्पर्कमा नआएकाहरूलाई जतिसक्दो छिटो सम्पर्कमा आउन भनिरहेको छ ।
