काठमाडौं– वैदेशिक रोजगार विभागका नवनियुक्त महानिर्देशक दीपक काफ्लेले वैदेशिक रोजगारको क्षेत्रमा कानुन प्रयोग गर्नु पर्ने अवस्थाको सिर्जना गर्न नहुने बताएका छन् । विभागको जिम्मेवारीमा आएपछि व्यवसायीहरूसँगको भेटमा महानिर्देशक काफ्लेले यस्तो बताएका हुन् ।
नेपाल वैदेशिक रोजगार व्यवसायी संघलगायत व्यवसायीहरूले गरेको स्वागत कार्यक्रममा महानिर्देशक काफ्लेले यस्तो बताएका हुन् । कानुनको प्रयोग बाध्यात्मक र कठोर हुने भन्दै यस्तो अवस्था आउन नदिनका लागि व्यवसायी र सरकाले हातेमाले गरेर अगाडि बढ्नु पर्ने उनले बताएका छन् । कानुनका कुरा प्रयोग गर्नु कार्यान्वयन गर्ने ठाउँमा रहेकाहरूलाई पनि सहज नहुने भन्दै आफ्नो कार्यकालमा यस्तो अवस्था नआउने उनले विश्वास व्यक्त गरे । अघिल्ला घटनाहरूबाट सिक्दै गल्ती कमजोरीलाई सच्याउँदै अगाडि बढ्नु पर्ने महानिर्देशक काफ्लेको भनाइ छ ।
समस्या सिर्जनाकर्ता र समस्या समाधान र्ता समेत स्वयं आफैँ हुने भएकाले यसलाई सुधार गरेर अगाडि बढ्नु पर्ने उनले बताएका छन् । विभागको काम र कर्तव्य नै व्यवसायलाई संरक्षण र गलत गर्नेलाई त्यहि किसिमको व्यहार गर्नु पर्ने भएकाले यसका लागि विभागको तर्फबाट हुने सम्पूर्ण सहयोग गर्न तयार रहेको व्यवसायीलाई उनले आश्वासन दिएका छन् ।
जानेर गल्ती गर्न नहुने भन्दै अन्जानमा भएका गल्ती कमजोरीलाई सुधार गरेर यो क्षेत्रलाई सुरक्षित र भरपर्दो बनाउनु पर्ने उनको भनाइ छ । वैदेशिक रोजगारको क्षेत्र देशको आर्थिक मेरुदण्ड भएको भन्दै यस क्षेत्रमा देखिएका समस्या समाधान गरेर अगाडि बढ्नु पर्ने उनले बताए । यो क्षेत्रमा आफू नयाँ भएकाले सबैको सल्लाह र सुझाब लिएर अगाडि बढ्ने उनले प्रतिवद्धता व्यक्त गरेका छन् ।
नयाँ क्षेत्र भएकाले अध्ययन गरेर अगाडि बढ्ने उनको भनाइ छ । यो क्षेत्रको सुधारका लागि व्यवसायीसँग समन्वय र सहकार्य गरेर यो क्षेत्रका समस्या समाधान गर्न लागिपर्ने महानिर्देशक काफ्लेले बताएका छन् । मानवीय सम्वेदनासँग पनि जोडिएको क्षेत्र भएकाले मानवीय सम्वेदनालाई पनि ख्याल गरेर काम गर्नुपर्ने उनले बताए । उनका अनुसार सरकारको नीति नियमभित्र रहेरे विभागले सम्पादन गर्नु पर्ने कार्यमा कुनै पनि समस्या हुँदैन ।
-1745656903.jpeg)