काठमाडौं– रोजगारीका लागि कुवेत जाने नेपालीले कोरोनाविरुद्धको खोपको तेस्रो मात्रा पनि लगाउनु पर्ने भएको छ । कुवेत सरकारले मान्यता नदिएको खोपको तेस्रो मात्रा लगाएपछि मात्रै कुवेत जान पाइने भएको हो ।
कुवेत सरकारले नयाँ नियम लागू गर्दै विदेशी नागरिकले सिनोफार्म, सिनोभ्याक तथा स्पुतनिकमध्ये कुनै खोप लगाए तेस्रो मात्रा पनि लगाउनु पर्ने भएको हो । यी खोपलाई कुवेतले मान्यता नदिएका कारण तेस्रो मात्राको पनि खोप लगाउनु पर्ने नियम ल्याएको बताइएको छ । कुवेत सरकारले फाइजर, मोडोर्ना, अक्फोर्ड अष्ट्रोजेनिका तथा जोन्सन एन्ड जोन्सनलाई मात्रै मान्यता दिएको छ । यसअगाडि कुवेतले नेपालसहित भारत, बंगलादेश, पाकिस्तान, श्रीलंका र इजिप्टबाट हुने सिधा उडान सुचारु हुने घोषणा गरेको थियो । जसबाट रोजगारीका लागि कुवेत जाने युवाहरूलाई लाभ पुग्ने विश्वास गरिएको थियो । साथै कुवेत सरकारले दैनिक रूपमा १० हजार जनाले मात्रै यात्रा गर्न पाउने नियमलाई खुकुलो बनाएर दैनिक १५ हजार जनाले कुवेतको यात्रा गर्न पाउने घोषणा गरेको छ ।
कुवेतले बनाएको नयाँ नियमअनुसार त्यहाँ जान चाहने नेपालीहरूले भेरोसेल खोप लगाएको लगाएको भए कुवेतले मान्यता दिएकोमध्ये कुनै एक खोपको तेस्रो मात्रा लगाउनु पर्ने छ । तर, जोन्सन एन्ड जोनसन खोप लगाएको खण्डमा भने अर्को खोप लगाउनु नपर्ने जनाइएको छ । खोप लगाएको भए पनि कुवेत जान चाहनेहरूले पछिल्लो ७२ घन्टाभित्रको पिसिआर परीक्षणको नेगेटिभ रिपोर्ट साथमा हुनुपर्नेछ । खोप लगाएको भएमा पनि ७ दिन अनिवार्य बस्नु पर्ने, यदि छिट्टै बाहिर निस्कन चाहेमा कुवेतमा पुगेपछि पिसिआर परीक्षण गर्नुपर्नेलगायत नियम रहेको त्यहाँका स्थानीय सञ्चार माध्यमहरूले जनाएका छन् । १ अगस्टदेखि खोपको पूर्ण मात्रा लगाएका विदेशीलाई कुवेतले प्रवेश अनुमति दिँदै आएको छ । घरेलु श्रमिकका लागि जानेहरूले भने खोप नलगाएको भए पनि प्रवेश अनुमति दिइने बताइएको छ । तर उनीहरूले १४ दिन क्वारेन्टाइनमा बस्नुपर्ने नियम रहेको जनाइएको छ ।
-1745656903.jpeg)