काठमाडौं– वैदेशिक रोजगारीका लागि इजरायल जाने व्यक्तिहरूलाई प्रलोभनमा नपर्न मन्त्रालयले अनुरोध गरेको छ । श्रम रोजगार तथा सामाजिक सुरक्षा मन्त्रालयले शुक्रबार एक विज्ञप्ति जारी गर्दै कुनै पनि व्यक्तिले देखाएको प्रलोभनमा नपर्न आग्रह गरेको हो ।
मन्त्रालयले इजरायलको रोजगारीका लागि परेका आवेदनको रूपजुको कार्य भइरहेको भन्दै वैदेशिक रोजगार विभागको आधिकारिक सूचनालाई मात्र पालना गर्न अनुरोध गरेको छ । पछिल्लो सयम मन्त्रालय वा विभागका अधिकारीसँग सम्बन्ध छ भनी प्रलोभन पार्ने कार्य भएको भन्दै यसमा मन्त्रालयको ध्यानाकर्षण भएको विज्ञप्तिमा जनाइएको छ । मन्त्रालयले यस्ता कुनै पनि गैरकानुनी कार्यमा संलग्न नहुनसमेत सबैमा आग्रह गरेको छ ।
गैरकानुनी रूपपमा रकम असुल गर्ने वा कानुनविपरीतका कार्य गरी नेपाल सरकार र इजरायल सरकारबीच भएको श्रम सम्झौताको प्रतिकूल हुने कार्य गर्ने जोसुकै व्यक्ति वा संस्थाका सम्बन्धमा प्रचलित कानुनबमोजिम कारबाहीको भागीदार हुने मन्त्रालका प्रवक्ता दीपक काफ्लेले बताएका छन् । रोजगारीका लागि इजरायल जाने कार्यका लागि दुई सरकारबीचको सम्झौता अनुसार श्रमिक पठाइने बताइएको छ । इजरायलको दीर्घकालीन स्यार केन्द्रहरूमा सहायक श्रमिकका रूपपमा नेपाली युवाहरूलाई इजरायल लैजाने भएको हो । वैदेशिक रोजगार विभागले १ हजार जनाका लागि खुला गरेको आवेदनमा ९ हजार६ सय ९९ जनाको आवेदन परेको विभागका इजरायल शाखा प्रमुख डम्बरबहादुर सुनुवारले जनाएका छन् । ती आवेदनको अहिले रूपजुको काम भइरहेको उनले बताए ।
विभागले रूपजु गरेर तयार पारेका अन्तिम उम्मेदवाहरू लिखित परीक्षामा सहभागी हुन पाउने मन्त्रालयको विज्ञप्तिमा उल्लेख गरिएको छ । लिखित परीक्षामा उत्तीर्ण भएकाहरूलाई मौखिक परीक्षामा सहभागी गराइने र अन्तिममा १ हजर ४ सय जनाको नाम सार्वजनिक गरिने बताइएको छ । त्यसमध्ये १ हजार जना इजरायलमा रोजगारीका लागि तजान पाउने विभागले जनाएको छ । इजरायलका लागि कुनै पनि भनसुनले काम नहुने विभागका महानिर्देशक कृष्णप्रसाद दवाडीले बताइसकेका छन् । केही दिनअघि पत्रकार भेटघाट कार्यक्रममा महानिर्देशक दवाडीले भनसुनमा कुनै पनि कार्य नहुने बताएका थिए ।
