काठमाडौं(प्रस)– नेपाल वैदेशिक रोजगार व्यवसायी संघका संस्थापक अध्यक्ष महेन्द्र शेरचनको निधन भएको छ । शेरचनको ६७ वर्षको उमेरमा बुधबार उपचारको क्रममा मृत्यु भएको हो ।
कोरोना सक्रमण पुष्टि भएका शेरचनको सशस्त्र प्रहरी अस्पताल, हलचोकमा उपचार भइरहेको थियो । उपचारका क्रममा उनको निधन भएको पारिवारिक स्रोतले जनाएको छ । शेरचन राजधानी न्युज पब्लिकेसनका संस्थापक अध्यक्ष, नेपाली मिडिया सञ्चालकको छाता संगठन मिडिया सोसाइटीका समेत अध्यक्ष थिए ।
उनी सञ्चारमाध्यम सञ्चालकको संस्था मिडिया अलाइन्सको उपाध्यक्ष र विज्ञापन बोर्डका सदस्यसमेत थिए । उनको निधनमा वैदेशिक रोजगार क्षेत्रका संघसंस्थाले दुःख व्यक्ति गरेका छन् । शेरचनका श्रीमती, तीन छोरा र एक छोरी छन् ।
-1745656903.jpeg)