काठमाडौं– नेपालीको मुख्य श्रमगन्तव्य मुलुक मलेसियामा पछिल्लो समय कोरोना संक्रमण र मृत्युदर बढ्दै गएको छ । मलेसियामा पछिल्लो समय कोरोनाका कारण मृत्यु हुनेको संख्यामा निरन्तर वृद्धि हुँदै गएको हो ।
मलेसियाले पछिल्लो समय कोरोनाविरुद्धको खोपलाई तीव्रता दिएको भए पनि संक्रमण र मृत्युदरमा कुनै सुधार आउन नसकेको देखिएको छ । कोरोना भाइरस (कोभिड–१९) को तथ्यांक सार्वजनिक गर्ने वल्र्डाेमिटरका अनुसार मलेसियामा दैनिक १५ हजारभन्दा बढीमा कोरोना संक्रमण भएको छ भने मृत्यु हुनेको संख्या पनि २ सयको हाराहारीमा रहेको देखिएको छ । मलेसियामा सोमबार मात्रै १५ हजार ७ सय ६४ जनामा कोरोना संक्रमण पुष्टि भएको थियो । त्यस्तै सोमबार २ सय १९ जनाको मृत्यु भएको वल्र्डोमिटरको तथ्यांकले देखाएको छ ।
त्यस्तै, आइतबार पनि १७ हजार १ सय ५० जनामा संक्रमण पुष्टि भएको थियो भने १ सय ६० जनाले ज्यान गुमाएका थिए । शनिबार १७ हजार ७ सय ८६ जना संक्रमित फेला परेका थिए भने १ सय ६५ जनाले ज्यान गुमाएका थिए । मलेसियामा हालसम्म ११ लाख ४६ हजार १ सय ८६ जनामा कोरोना संक्रमण पुष्टि भएको छ । मलेसियामा अहिले सक्रिय संक्रमितको संख्या पनि २ लाखको हाराहारीमा रहेको छ । त्यहाँ सक्रिय संक्रमितको संख्या १ लाख ९९ हजार ५१ जना रहेको छ । मलेसियामा कोरोना संक्रमण पुष्टि भएकामध्ये सोमबारसम्म ९ लाख ३७ हजार ७ सय ३२ जना निको भइसकेका छन् । मलेसियामा कोरोनाका कारण ज्यान गुमाउनको संख्या पनि बढ्दै गएको छ । दैनिक २ सयको संख्यामा मृत्यु भइरहेको मलेसियामा ९ हजार ४ सय ३ जनाको मृत्यु भइसकेको छ ।
यसैबीच, साउदी अरबमा कोरोनाका कारण ८ हजार २ सय ५९ जनाको ज्यान गएको छ । हालसम्म ५ लाख २७ हजार ८ सय ७७ कोरोना संक्रमण पुष्टि भएका मध्ये ८ हजार २ सय ५९ जनाको मृत्यु भएको हो । त्यस्तै निको हुनेको संख्या ५ लाख ८ हजार ९ सय ९४ जना रहेको छ । हाल साउदी अरबमा सक्रिय संक्रमितको संख्या १० हजार ६ सय २४ जना रहेको छ ।
त्यस्तै युएईमा कोरोनाका कारण मृत्यु हुनेको संख्या १ हजार ९ सय ५६ जना रहेको छ । त्यस्तै कुबेतमा २ हजार ३ सय ३९ जना, ओमानमा ३ हजार ८ सय ७७ जनाको मृत्यु भएको छ । त्यस्तै बहराइनमा १ हजार ३ सय ८४ जनाको मृत्यु भएको छ भने अर्को श्रमगन्तव्य मुलुक कतारमा ६ सय १ जनाको कोरोनाका कारण मृत्यु भएको तथ्यांकले देखाएको छ ।
-1745656903.jpeg)