काठमाडौं– युएईमा रहेको नेपाली दूतावासले युएई जाने नेपाली श्रमिकलाई क्युआर कोडसहितको खोप प्रमाणीकरण गर्न आग्रह गरेको छ । पछिल्लो समय खाडीलगायत धेरै देशहरूले यात्रुको खोप लगाएको प्रमाणमा क्युआर कोड पनि माग्न गरेको भन्दै दूतावासयले यस्तो आग्रह गरेको हो ।
युएइले पनि यस्तो नियम लगाउन सक्ने भन्दै क्युआर कोड लिन दूतावासले सबैलाई अनुरोध गरेको छ । नेपालमा रहेका राहदानी नवीकरण गर्नुपर्ने वा नयाँ लिनु पर्नेहरूले कोरोनाविरुद्धको खोप लिइनसकेको अवस्थामा स्वास्थ्य तथा जनसंख्या मन्त्रालयको वेबसाइटमा गएर प्रि–इनरोलमेन्ट फारम भरी आफूलाई पायक पर्ने ठाउँमा खोप लगाउन र क्युआर कोडसहितको खोप प्रमाणपत्र लिन दूतावासको आग्रह छ ।
दूतावासले युएइमा रहेका नेपालीलाई पनि नेपालमा रहेका आङ्खना आफन्तहरूलाई यसबारे जानकारी गराउन अनुरोध गरेको छ । यस्तै युएईमा रहेर कोरोनाको खोप लिइसकेका नपाली नागरिकले त्यो खोप लगाएको प्रमाण साथमा बोकेर विदेश यात्रा गर्न सकिने दूतावासले जनाएको छ ।
