काठमाडौं– गैरआवासीय नेपाली संघ (एनआरएनए) युकेको चुनावमा लफडा भएको छ । ३१ जुलाइमा हुनु पर्ने संघको चुनाब निर्धारित समयमा हुन नसकेको र चुनाब हुन नसक्ने विषयमा आयोजना गरिएको भर्चुअल बैठकमा पनि एक पक्षलाई मात्र बोल्न दिएको भन्ने आरोप लागेसँगै लफडा भएको हो ।
समावेशी समूहका तर्फबाट सहभागीलाई बोल्नका लागि समयसमेत उपलब्ध नगराएको भन्दै यस विषयमा आवश्यक प्रक्रिया अगाडि बढाउन लागि अनुरोध गरेर नेपाली जनसम्पर्क समिति युकेकी सदस्य क्षमता ढकालले समिति सभापति युवराज गुरुङलाई सम्बोधन गरेर पत्रै लेखेकी छन् । चुनाव र सर्वसाधारणको जिज्ञासाको सम्बन्धी जानकारी दिने कार्यक्रममा निर्वाचन प्रमुखले प्रजातान्त्रिक समूहलाई पूर्वाग्रही रूपमा नै बोल्न नदिएको आरोप लगाइएको छ । प्रजातान्त्रिक समूहहलाई खुइल्याउने कार्य भएको भन्दै यस विषयमा आवश्यक पक्रिया अगाडि बढाउनु पर्ने ढकालले बताएकी छन् । उनले लेखेको पत्रमा निर्वाचन समितिका प्रमुख महेन्द्र कँडेल र सचिव कर्ण शाहीले सञ्चालन गरेको कार्यक्रमा प्रजातान्त्रिक समूहलाई कुरा राख्नसमेत नदिएको उल्लेख गरिएको छ ।
सर्वसाधारणको सूचना लिने र निर्वाध रूपमा वाक स्वतन्त्राको विपक्षमा तानाशाही प्रवृतिले देखाएको भन्दै यो व्यवहार आपत्तिजनक भएकाले नेपाली जनसम्पर्क समिति युकेको आधिकारिक धारणा सार्वजनिक गर्नसमेत आग्रह गरिएको छ । नेपाली जनसम्पर्क समिति युकेले आधिकारिकरूपमा समर्थन गरेको अध्यक्षका उम्मेदवार प्रेम गाहा मगरका क्याम्पेनर शेरबहादुर सुनार र जनसम्पर्क समितिका सदस्य क्षमता ढकाल नेपाली जनसम्पर्क समिति युकेकी सक्रिय कार्य समिति सदस्यलगायत नेपाली कांग्रेस समर्थित सहभागीलाई कार्यक्रममा प्रश्न सोध्न र बोल्न प्रतिबन्धित गरिएको भन्दै यस्तो कार्य बन्द गर्नु पर्ने सदस्य ढकालको भनाइ छ । समितिका सभापतिले यस विषयमा आफ्नो धारणा सार्वजनिक गर्नु पर्ने पनि ढकालले माग गरेकी छन् । ३१ जुलाइमा हुने भनिएको एनआरएनको चुनाव २ अगस्टका लागि सरेको छ ।
