काठमाडौं– एक आर्थिक वर्षमा वैदेशिक रोजगारीमा गएका १ हजार २ सय ४२ जनाको मृत्यु भएको छ । वैदेशिक रोजगार बोर्डले सार्वजनिक गरेको तथ्यांकअनुसार आर्थिक वर्ष ०७७÷७८ मा वैदेशिक रोजगारीमा गएका १ हजार २ सय १३ जना पुरुष र २९ जना महिला गरी १ हजार २ सय ४२ जनाको मृत्यु भएको हो ।
रोजगार गन्तव्य मुलुकमध्ये साउदी अरबमा सबैभन्दा बढीले ज्यान गुमाएका छन् । एक आर्थिक वर्षमा साउदी अरब गएका ३ सय ६२ जनको मृत्यु भएको बोर्डले सार्वजनिक गरेको तथ्यांकमा देखाइएको छ । नेपालबाट रोजगारीका लागि साउदीमा ज्यान गुमाउनेमध्ये २ जना महिला र ३ सय ६० जना पुरुष रहेका छन् । साउदी पछि रोजगारीमा गएर ज्यान गुमाउने नेपालीको संख्या मलेसियामा धेरै रहेको छ । मलेसियामा एक आर्थिक वर्षमा १ जना महिलासहित २ सय ८० जना नेपालीको मृत्यु भएको तथ्यांक छ ।
त्यस्तै नेपालीको अर्को रोजगार गन्तव्य मुलुक कतारमा एक आर्थिक वर्षमा २ महिलासहित २ सय ३९ जनाको मृत्यु भएको बोर्डले जनाएको छ । त्यस्तै, युएईमा १ सय ९६ पुरुष र १२ जना महिला गरी २ सय ८ जना नेपालीको मृत्यु भएको छ । त्यस्तै वैदेशिक रोजगारको अर्को गन्तव्य मुलुक कुवेतमा ५५ जना, बहराइनमा ३१ जना, र ओमानमा ७ जनाको ज्यान गएको वैदेशिक रोजगार बोर्डको तथ्यांकलमा उल्लेख गरिएको छ ।
त्यस्तै, एक आर्थिक वर्षमा जापानमा ९ जनाले ज्यान गुमाएका छन् भने जोर्डनमा रहेका ६ जनाको पनि मृत्यु भएको छ । त्यस्तै मकाउ, रोमानिया र टर्कीमा समान ३–३ जनाको मृत्यु भएको छ । त्यस्तै अफगानस्थान, अल्जेरिया, चीन, साइप्रस र सेसेल्समा २–२ जनाको मृत्यु भएको छ भने युगान्डा, सिंगापुर, पोर्चुगल, पोल्यान्ड, माल्दिभ्स, लेवनान, इजराय र ब्रुनाईमा १–१ जनाको मृत्यु भएको बोर्डले जनाएको छ । त्यस्तै रोजगारीका लागि विदेश गएका १ सय ४३ जना नेपाली अंगभंग भएका छन् ।
रोजगारीका लागि विदेश गएर ज्यान गुमाउनेहरूमा सबैभन्दा बढी मोरङ जिल्लाका रहेका छन् । त्यहाँबाट विदेश गएका ५८ जनाले ज्यान गुमाएका छन् । त्यस्तै धनुषा र सिराहका ५७–५७ जनाको मृत्यु भएको बोर्डले सार्वजनिक गरेको तथ्यांकमा उल्लेख छ । त्यस्तै महोत्तरीका ५५ जनाको मृत्यु भएको छ भने झापाका ५३ जनाले पनि विदेशी भूमिका ज्यान गुमाएका छन् । त्यस्तै स्याङ्जाका ४६, सप्तरी र सुनसरीका ४४–४४ जना, नवलपरासी (बर्दघाट सुस्तापूर्व) ४० जना, चितवनका ३६ जना, दाङ र कास्कीका ३३–३३ जनाको मृत्यु भएको छ । गोरखाका २९, तनहुँका २९ जना, त्यस्तै पाँचथर र पाल्पाका २३ जना र मकवानपुरका २० जनाको मृत्यु भएको छ ।
त्यसैबीच, बोर्डले रोजगारीमा ज्यान गुमाएका मृतक कामदारका परिवारलाई झन्डै ७४ करोड रूपैयाँ आर्थिक सहायता प्रदान गरेको जनाएको छ । विदेशमा मृत्यु भएका १ हजार २ सय ४३ जनाका परिवारलाई बोर्डले ७३ करोड ७७ लाख १५ हजार रूपैयाँ आर्थिक सहायता प्रदान गरेको जनाएको छ । यस्तै अंगभंग, गम्भीर बिरामी भएर फर्किएका १ सय ४३ जना कामदारलाई ७ करोड ३३ लाख २ हजार २ सय रूपैयाँ आर्थिक सहायता प्रदान गरेको छ भने मृतक कामदारको शव विमानस्थलदेखि घरसम्म पु¥याउनका लागि १७ लाख ९४ हजार ९ सय ७६ रूपैयाँ खर्च गरेको बोर्डज जनाएको छ । यो रकम ७ सय ७० मृतकको शव घरसम्म पु¥याउन खर्च भएको जनाइएको छ । त्यस्तै वैदेशिक रोजगारीमा गएर ज्यान गुमाएका तथा गम्भीर घाइते भएका परिवारका बालबच्चालाई २ करोड ८ लाख ८२ हजार रूपैयाँको छात्रवृत्ति प्रदान गरिएको बोर्डको तथ्यांकले देखाएको छ । त्यस्तै ४ सय १३ जना अलपत्र परेककाको उद्धारमा बार्डले २ करोड ६६ लाख ७२ हजार ८ सय रूपैयाँ खर्च भएको जनाएको छ । १ सय २२ शव झिकाउन समन्वय र सहयोगको लागि मात्रै बोर्डको ९० लाख ६७ हजार ८ सय १० रूपैयाँ खर्च भएको जनाइएको छ ।
