काठमाडौं– बेलायतमा रहेका गोर्खाहरूले रिले अनशन सुरु गरेका छन् । पटक–पटकका माग पूरा नगरेको भन्दै गोर्खाहरूले बेलायतमा रिले अनशन सुरु गरेका हुन् ।
गोर्खा सत्याग्रह संयुक्त संघर्ष समितिको नेतृत्वमा बुधबारदेखि बेलायती प्रधानमन्त्रीको कार्यालय टेन डाउनिङ स्ट्रिटमा अनशन थालेका छन् । बेलायत सरकार र नेपाल सरकारलाई पटक–पटक आङ्खना मागको सुनुवाइका लागि विभिन्न चरणमा र विभिन्न माध्यमबाट आग्रह गर्दा पनि सुनुवाइ नभएको भन्दै बाध्यात्मक रूपमा अनशन गर्नु परेको अभियानकर्मीहरूले बताएका छन् । बुधबारदेखि १३ दिनसम्म लगातार अनशन बस्ने र हरेक दिन एक एक जना अनशन बस्ने योजना रहेको बताइएको छ ।
यो १३ दिनभित्र बेलायती सरकारले वार्ताका लागि कुनै पहल गरेन भने त्यसपछि भोक हड्तालसमेत गर्ने अभियानकर्ताहरूले बताएका छन् । गत महिना गोर्खाहरूका मागसँग सरोकार राख्ने ५ वटा संस्था र गैरआवासीय नेपाली संघ युकेलगायतले नेपाल सरकार र बेलायत सरकार दुवैलाई पत्र पठाएको थियो । पत्रमा भूपूगोर्खाहरूको समान पेन्सनलगायत माग राखेर वार्ताका लागि आग्रह गरिएका छन् ।
-1745656903.jpeg)