काठमाडौं– गैरआवासीय नेपाली संघ (एनआरएनए) युकेको उपाध्यक्षमा मोहन कार्कीले उम्मेदवारीको घोषणा गरेका छन् । एनआरएनए राज्य समन्वय परिषद् स्कटल्यान्डका निवर्तमान अध्यक्ष रहेका कार्कीले आगामी निर्वाचन बाट युकेको उपाध्यक्षमा उम्मेदवारी घोषणा गरेका हुन् ।
स्कटल्यान्डका गैरआवासीय नेपालीहरूको सल्लाहपछि नै आफूले एनआरएनएको युकेमा (२०२१-२०२३) कार्यकालको लागि उपाध्यक्षमा (स्कटल्यान्ड) उम्मेदवारी दिएको उनले बताएका छन् । चुनाबको मुख्य एजेन्डा पारदर्शिता रहेको कार्कीले बताएका छन् । यसका अलावा नेपालीहरूको दोहोरो नागरिकताको पक्षमा, नेपालमा रहेको सम्पत्ति र लगानीको सुनिश्चिता, गोर्खाहरूको समान अधिकारका अभियानलाई एनआरएनए युकेमार्फत सशक्त बनाउनका लागि आफू चुनाबमा होमिएको उनको भनाइ छ । एनआरएनएलाई समाबेशी, राज्य समितिहरूलाई अधिकार सम्पन्न बनाएर एनआरएनए सीमित व्यक्तिमा मात्र नरहेर आमगैरआवासीय नेपालीहरूको साझा फूलबारी हुनु पर्ने कार्कीले बताएका छन् । कार्कीसँग ‘लबिङ’ गर्ने राम्रो क्षमता र उनको कार्य सम्पादन गर्ने शैलीका कारण एनआरएनए युकेको अभियानलाई अझ बलियो बनाउने एनआरएनएका कतिपय सदस्यहरूले बताए ।
विभिन्न सामाजिक संघ संस्थामा सक्रिय कार्की सफल व्यवासयी, प्रपटी लगानि कर्ता समेत हुन् । उनी अहिले त्यहाँ रहेका विभिन्न संघ संस्थामा सल्लाकारको भुमिकामा पनि रहेका छन् । उपाध्यक्षमा उम्मेदवारी दिएका कार्की अहिले व्यवसाय विस्तारको क्रममा फलक्रिकमा बसोबास गर्दै आएका छन् । त्यहाँ कार्कीको अध्यक्षतामा रहेको फोर्थ भ्याली नेप्लिज एसोसियनले स्थानीय सरकारसँग समन्वय गरेर विभिन्न गतिविधिहरू गर्दै आएको छ । उपाध्यक्षका उम्मेदवार कार्कीको पहलमा अहिले स्कटल्यान्डका सरकारी अधिकारीहरू नेपाली भाषालाई हायर सेकेन्डरीको पाठयक्रममा समेट्ने बिषयमा सकारात्मक भइरहेको कार्कीले बताएका छन् ।
उनले स्कटल्यान्डका सम्पूर्ण नेपाली समुदायलाई समेट्ने गरेर वाताबरण परिवर्तन न्यूनीकरणका लागि बृहत ‘क्लाइमेट चेन्ज’ प्रोजेक्ट चाँडै सुरु हुने बताएका छन् । कार्कीको समाजसेवाप्रतिको सक्रियतालाइ स्थानीय सरकारी अधिकारीहरू र काउन्सिलले निकै सराहना गर्ने गरेका छन् । उनको सक्रियताको कारण स्कटल्यान्ड नेसनल पार्टीले स्कटल्यान्डको संसदमा सांसद एमएसपी (मेम्बर अफ स्कटिस पार्लियामेन्ट) को उम्मेदवार रूपमा पनि लान कार्कीलाई पहल गरिरहेको बताइएको छ । उनले ०७२ सालको भूकम्पको समयमा स्कटल्यान्डका विभिन्न संस्थाहरूसँगको सहकार्यमा सहयोग संकलन गर्नुका साथै भूकम्प पीडितहरूको अस्थायी घर निर्माणका लागि ठूलो सहयोगसमेत गरेका थिए । उनले कोरोनाको महामारीका समयमा नेपालका विभिन्न जिल्लामा सहयोग समेत गरेका छन् ।
-1752335779.jpg)
