काठमाडौं– रोजगारीको सिलसिलामा मलेसियामा अवैध रूपमा बसेका श्रकिहरूले यो वर्षको डिसेम्बरसम्म स्वदेश फर्किन पाउने भएका छन् । कोरोनाको महामारीको समयमा नियमित उडान हुन नसकेको कारणले स्वदेश फर्किनका लागि तोकिएको समयमा स्वदेश फर्कन नसकेकाहरूलाई समय थप गरिएको हो ।
मलेसियामा अवैध रूपमा रहेका नेपालसहित इन्डोनेसिया, बंगलादेश, भियतनाम, म्यानमार र भारतलगायत मुलुकका श्रमिकले सन् २०२१ को अन्त्यसम्म स्वदेश फर्कन पाउने भएका हुन् । मलेसियमा यी मुलुकका धेरै श्रमिकहरू गैरकानुनी रूपमा बसेको मलेसियाका सञ्चारमाध्यामहरूले बताएका छन् । कोरोनाको महामारीको बीच मलेसियाले अवैध रूपमा बसेका आप्रबासीहरूलाई नियन्त्रणमा दिएको थियो ।
मलेसिया यसअघि जुन महिनाको अन्त्यसम्मको स्वदेश फर्किन वा वैधानिक भएर बस्नका लागि समय तोकेको थियो । तर, तोकिएको समयमा कोभिड–१९ का कारण स्वदेश फर्किन नपाएकाहरूलाई यो वर्षको अन्त्यसम्म समय थप गरिएको समाचारमा जनाइउको छ । अवैध रूपमा रहेका करिब २ लाखभन्दा बढीले त्यहि“ वैधानिक भएर काम गर्न चाहिरहेको र करिब १ लाख जतिले स्वदेश फर्किन चाहेको बताइएको छ । मलेसियमा रहेको नेपाली दूताबासले अवैधानिक रूपमा रहेका नेपाली श्रमिकहरूलाई मलेसिया सरकारले तोकेको समयमा वैधानिक हुन वा स्वदेश फर्कने प्रक्रियामा सहभागी हुन अनुरोध गरेको छ ।
