काठमाडौं– विश्वव्यापी महामारीका रूपमा फैलिएको कोरोना भाइरस (कोभिड–१९) का कारण विदेशमा ४ सय ४७ जना नेपालीको मृत्यु भएको छ । हालसम्म विश्वका २८ मुलुकमा ४ सय ४७ जना नेपालीको ज्यान गएको हो ।
पछिल्लो एक महिनाको अवधिमा कोरोनाका कारण १२ जना नेपालीले विदेशमा ज्यान गमाएको गैरआवासीय नेपाली संघ (एनआरएनए) को तथ्यांकले देखाएको छ । पछिल्लो एक महिनामा ज्यान गुमाउने सबै १२ जना साउदी अरबमा कार्यरत नेपाली रहेको बताइएको छ । एनआरएनए अन्तर्गतको स्वास्थ्य समितिका अनुसार हालसम्म ५४ देशमा रहेका नेपालीहरूका कोरोना संक्रमण पुष्टि भएको छ । ती ५४ देशमा रहेका १ लाख १६ हजार ६० जना नेपालीमा कोरोना संक्रमण पुष्टि भएको एनआरएनएले जनाएको छ । संक्रमण पुष्टि भएकामध्ये १ लाख ११ हजार ४७ जना नेपाली कोरोनामुक्त भएका छन् ।
विदेशमा कोरोना संक्रमण भएकामध्ये ९५ प्रतिशत नेपाली कोरोना संक्रमण मुक्त भएको एनआरएनएले जनाएको छ । पछिल्लो एक महिनाको अवधिमा अष्ट्रेलिया, साउदी अरब, भारतलगायत देशमा रहेका नेपालीमा कोरोना संक्रमण पुष्टि भएको छ । यो तथ्यांक शनिबार अर्थात १० जुलाईसम्मको हो ।
-1752335779.jpg)
