काठमाडौं– वैदेशिक रोजगारीका लागि जानेहरूका लागि मंगलबारदेखि कोरोना भाइरस (कोभिड–१९) विरुद्धको खोप लगाइने भएको छ । सरकारले २९ असारदेखि वैदेशिक रोजगारीमा जानेहरूका लागि खोप लगाउने भएको हो ।
खोप अनिवार्य गरेका श्रम गन्तव्य मुलुकमा जाने नेपालीहरूलाई चीनबाट ल्याइएको भेरोसेल खोप लगाइने स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार वैदेशिक रोजगारीमा जाने नेपालीलाई पासपोर्ट र भिसाको आधारमा खोप लगाइने छ । सरकारले चीनबाट ल्याएको भेरोसेल खोप र अमेरिकाबाट ल्याएको जोनसोन एन्ड जोनसोन खोपको पहिलो मात्राको रूपमा मंगलबारदेखि लगाउन लागिएको हो ।
पछिल्लो समय खाडीका केही देशले कोरोनाविरुद्धको खोप लगाएका कामदारलाई मात्र लिने नीति लिँदा बिदामा आएका र नयाँ जान खोज्ने धेरै श्रमिक रोकिएका छन् । कोरोनाका कारण थलिएको व्यवसायलाई यसले केही मात्रामा भए पनि राहत पुग्ने वैदेशिक रोजगार व्यावसायीहरूको विश्वास रहेको छ ।
-1745656903.jpeg)