काठमाडौं– कतारमा रोजगारी गरेर बिदामा नेपाल आएका श्रमिकहरूले अब सहजै रूपमा कतार फर्किन पाउने भएका छन् । आसासीय तथा कर्व (श्रमिक) भिसा भएहरूकाहरूलाई बिदामा आएको ६ महिनाभित्र कतार फर्किन अपवाद प्रवेश अनुमति नचाहिने भएको हो ।
यो नियम कोरोनाको महामारीको समयमा नेपाल आएर कोभिडका कारण यतै रोकिएकाहरूका लागि सोमबारदेखि कार्यान्वयनमा आएको छ । यसअघि कतारले कोरोना महामारीको बीचमा फर्किनेले श्रमिकहरूले पनि अनुमति लिनुपर्ने व्यवस्था गरेको थियो । तर, कतारले आफ्नो देश प्रवेशका लागि खुकुलो नियम लागू गरेसँगै बिदामा आएका श्रमिकलाई पनि सहज व्यवस्था गरिएको कतारका स्थानीय सञ्चार माध्यामले जनाएका छन् ।
कतारको वैधानिक आवासीय अनुमति छ तथा उनीहरू कतारबाहिर ६ महिनाभन्दा कम समय बसेका छन् भने ‘एक्सेप्सनल इन्ट्री परमिट’ बिना नै कतार प्रवेश गर्न पाइने व्यवस्था भएको समाचारमा जनाइएको छ । त्यस्तै विशेष परिस्थितिले ६ महिना कतारबाहिर बस्नु परेको कारण आवासीय अनुमति (आइडी कार्ड) को म्याद समाप्त भएका व्यक्तिहरूलाई पनि आवश्यक प्रक्रिया पूरा गरेर कतार जान पाउने भएका छन् । त्यस्ता व्यक्तिले कतारको इ–गभर्मेन्ट वेबसाइट ‘हुकुमी’ वा ‘मेट्रास’ मार्फत प्रक्रिया पूरा गरी शुल्कसमेत तिर्नु पर्ने जनाइएको छ ।
-1745656903.jpeg)