काठमाडौं– साउदी अरबमा रहेको नेपाली दूतावासबाट हुने माग प्रमाणिकरणको काम स्थगित हुने भएको छ । दूतावासमा रहेको मागपत्र वैदेशिक रोजगार विभागमा अपलोड गर्नु पर्ने र वेभसाइट मर्मत गर्नु पर्ने कारण भन्दै दूतावासले १८ देखि २९ जुलाईसम्म प्रमाणिकरणको काम स्थगित हुने भएको हो ।
दूतावासले शुक्रबार एक सूचना जारी गर्दै सो अवधिमा कुनै पनि मागपत्र प्रमाणिकरणको आवेदन संकलन नहुने जनाएको छ । आगामी १५ देखि २४ जुलाईसम्म इद अल–अदहा (बकर ईद) पर्वको समय परेको तथा त्यसपछि वेभसाइट मर्मत गर्नु पर्ने भएकाले प्रमाणिकरणको काम स्थगित गरिएको दूतावासले जारी गरेको सूचनामा भनिएको छ ।
अहिले संकलन भएका माग पत्र पनि वैदेशिक रोजगार विभागको अनलाइन प्रणालीमा अपलोट हुन बाँकी रहेको दूतावासले जनाएको छ । माग प्रमाणिकरण बाहेकको कार्य भने सार्वजनिक बिदाको दिनबाहेक अन्य दिन सुचारु रहने बताइएको छ । साथै स्वीकृत भइसकेका मागपत्र प्रमाणिकरण गर्ने कार्य भने यथावत नै रहने जनाइएको छ ।
-1752335779.jpg)
