काठमाडौं– वैदेशिक रोजगार व्यवसायी संघ विधानअनुसार चल्न नसकेको आरोप लागेको छ । प्रगतिशील वैदेशिक रोजगार मञ्च नेपालका पूर्वअध्यक्षहरूले यस्तो आरोप लगाएका हुन् ।
मञ्चले निर्माण गरेको संख्या सय समस्या समाधान कमिटीले आयोजना गरेको पत्रकार सम्मेलमा बोल्दै मञ्चका संस्थापक अध्यक्ष सरोजकुमार पोखरेल संघ गैरकानुनी भएको बताएका छन् । संघको विधानमा संघको अध्यक्षको मृत्यु भएमा त्यसको २१ दिनसम्म मात्रै कार्यबाहक अध्यक्षले काम गर्न पाउने उल्लेख भएको भन्दै अहिलेको कार्यवाहक अध्यक्ष विधानसम्मत् नभएको उनको तर्क थियो । यस्तो अवस्थामा संघले विशेष साधारणसभा गर्नुपर्ने व्यवस्था भए पनि संघको नेतृत्वमा रहेकाहरूले यस्तो नगरेको उनको भनाइ छ । अहिले संघ भद्रगोलको अवस्था रहेको उनले बताए । आपूmहरूले संघलाई छाता संगठन मानेर सहयोग गरिरहेको तर संघले व्यावसायीको हक हितमा काम गर्न नसकेको उनको भनाइ थियो ।
कार्यक्रममा बोल्दै मञ्चका पूर्वअध्यक्ष हरिबहादुर पाण्डे क्षत्रीले संघको नेतृत्वमा रहेकाहरूमा सबै पद जितेको दम्भ रहेको आरोप लगाएका छन् । आफूहरूले कतै पनि असहयोग नगरेको र संघले व्यवसायीको हक हितमा काम गर्न नसकेको उनले आरोप लगाए । अध्यक्ष पद खाली भएको अवस्थामा २१ दिनभित्र विशेष साधारणसभा बोलाउनु पर्ने भए पनि त्यसो हुन नसको उनको भनाइ थियो ।
तर, यता, नेपाल वैदेशिक रोजगार व्यवसायी संघका महासचिव सुजितकुमार श्रेष्ठले भने कोरोना महामारीका कारण विशेष साधारणसभा आयोजना गर्न नसकिएको बताएका छन् । अवस्था सामान्य भएको अवस्थामा विशेष साधारणसभाको आयोजना गरी नेतृत्व चयन गर्ने अवस्था रहने भए पनि अहिलेको अवस्थाले त्यो सम्भव नभएको उनले बताए । विधानमा अध्यक्षको पद रिक्त रहको अवस्थामा २१ दिनभित्र साधारणसभा आयोजना गर्नुपर्ने भनिए पनि महामारीको अवस्थामा त्यो काम गर्न समस्या भएको उनको भनाइ छ । अहिले जिल्ला प्रशासन कार्यालय, काठमाडौंले संघलाई नियमित प्रशासनिक काम मात्रै गर्न भनेको र अवस्था जटिल भएकाले विशेष साधारणसभाको आयोजना गर्न नसकिएको महासचिव श्रेष्ठले बताए । संघका अध्यक्ष विष्णुप्रसाद गैरैको गत ३० वैशाखमा निधन भएको थियो ।
-1745656903.jpeg)