काठमाडौं– रोजगरीको क्रममा साउदी अरबमा रहेका एक जना नेपालीको मृत्यु भएको छ । स्वदेश फर्कने क्रममा रहेका सिरहा कल्याणपुर स्थायी घरका विन्देश्वर महराको उच्च रक्तचापको कारण मृत्यु भएको बताइएको छ ।
तीन वर्षपहिले साउदी पुगेका महरा वैशाखमा नेपाल आउने भनिए पनि कोरोनाको महामारी बढेपछि नेपालमा निधेषज्ञा जारी भएपछि उनी उतै रोकिएका थिए । साउदीस्थित महरा कार्यरत कम्पनीले एक हप्तापहिले नै परिवारलाई फोन गरेर महराको स्वास्थ्यमा समस्या आएको जानकारी गराएको बताइएको छ ।
स्वास्थ्यमा समस्या देखिएपछि उनलाई उपचारका लागि अस्पताल भर्ना गरिएको थियो । अस्पताल भर्ना गरिएका उनको बुधबारसम्म स्वास्थ्यमा सुधार भइरहेको बताइएको थियो । तर, एक्कासि स्वास्थ्यमा थप समस्या भएको र उपचारकै क्रममा महराको मृत्यु भएको कम्पनीले परिवारलाई जानकारी दिएको थियो । उनतको शव नेपाल पठाउने व्यवस्था मिलाइदिन परिवारले सबैसँग आग्रह गरेको छ ।
-1745656903.jpeg)