त्यसरी आएका यात्रुले नेपाल आइसकेपछि भने सरकारले तोकेको होटल क्वारेन्टाइनमा अनिवार्य बस्नु पर्ने छ । यसको व्यवस्थापन पर्यटन विभागले गरिरहेको बताइएको छ । यसअघि सबै यात्रुले होटल बुकिङ नभई विमान चढ्न नपाउने प्रावधान रहेको थियो । ‘डिपोर्टेसन’ भएर फिर्ता भएका, जेलमुक्त भएर आएका, बेखर्ची नेपालीलाई कूटनीतिक नियोगको सिफारिसमा सरकारी क्वारेन्टाइनमा राख्ने व्यवस्था गरिएको छ । साथै कोभिड परीक्षण गर्ने र घरसम्म पुग्ने खर्च सरकारले नै बेहोर्ने बताइएको छ ।
यसैबीच, कोरोनाको खोपको मात्रा पूरा गरेर स्वदेश फर्किएका यात्रुहरू सिधै घर जान पाउने भएका छन् । सरकारले पछिल्लोपटक जारी गरेको ‘विदेशबाट आउने यात्रुहरूको व्यवस्थापन सम्बन्धी आदेश, ०७८’ मा यस्तो व्यवस्था गरिएको हो । नया“ व्यवस्थाअनुसार कोभिड–१९ विरुद्धको खोपको मात्रा पूरा गरेको प्रमाणपत्र भएका र कोरोना परीक्षण रिपोर्ट नेगेटिभ भएका यात्रुहरूलाई १० दिन स्व–क्वारेन्टाइनमा बस्ने सर्तसहित सिधै गन्तव्यस्थलमा जान अनुमति दिइने भएको छ । यस्ता यात्रुले विमानस्थलमा भरेको फारामका आधारमा स्थानीय सरकारले उनीहरू क्वारेन्टाइन बसे–नबसेको अनुगमन गर्नु पर्ने छ । यसअघि विदेशबाट आउने सबै यात्रुले अनिवार्य होटल क्वारेन्टाइन बस्नुपर्ने प्रावधान रहेको थियो ।
विदेशबाट आउने सबै यात्रुले ७२ घन्टाभित्रको पिसिआर नेगेटिभ रिपोर्ट भने अनिवार्य साथमा राख्नु पर्ने छ । यसैगरी विदेशमा खोप नलगाए नेपाल आउने यात्रुलाई यसअघि १० दिन होटल क्वारेन्टाइन बस्नु पर्ने व्यवस्थालाई सात दिनमा घटाइएको छ । आङ्खनो परम्परा तथा रितिरिवाजअनुसार गर्नु पर्ने अन्तिम संस्कारमा भाग लिन आउने नेपाली यात्रुको हकमा भने स्थानीय तह वा सिसिएमसीको सिफारिसमा एन्टिजेन परीक्षण गरी नेगेटिभ रिपोर्ट आएमा सिधै घर जान पाइने व्यवस्था गरिएको छ । त्यसरी घर जानेहरूले ११औ“ दिनमा भने कोरोना परीक्षण गर्नु पर्ने छ । त्यस्तै अशक्त, दीर्घरोगी, फरक क्षमता भएका व्यक्ति र बिरामीको कुरुवालाई समेत अस्पतालको आधिकारिक कागजातका आधारमा एन्टिजेन परीक्षण गरी घर जान दिने व्यवस्था गरिएको छ ।
