काठमाडौं– वैदेशिक रोजगारीअन्तर्गत नेपालीको प्रमुख गन्तव्य मुलुक मलेसियामा शनिबार एकै दिन कोरोना भाइरसका कारण ११ जनाको मृत्यु भएको छ । मेलेसियामा शनिबार थप २ हजार ७ सय १७ जना नयाँ संक्रमित थपिएको र त्यसमध्ये ११ जनाको मृत्यु भएको हो ।
कोरोनाको प्रकोप सुरु भएदेखि हालसम्म १ हजार ४ सय २६ जनाको मृत्यु भएको त्यहाँको स्वास्थ्य मन्त्रालयले जनाएको छ । पछिल्लो कोरोनाको दोस्रो चरण सुरु भएपछि कोरोनाका कारण निरन्तर बढिरहेको बताइएको छ । मलेसियामा शुक्रबार ८ जनाको मृत्यु भएको थियो । त्यस्तै बिहीबार ७ जनाको मृत्यु भएको मलेसियन सरकाले जनाएको छ ।
हालसम्म कोरोनाका कारण मलेसियामा ३ लाख ९० हजार २ सय ५२ जना कोरोना संक्रमित भएका छन् । कोरोना संक्रमित भएकामध्ये ३ लाख ६५ हजार ९ सय जना संक्रमणमुक्त भएको त्यहाँको सरकारले जनाएको छ । त्यस्तै नेपालीहरूको श्रमगन्तव्य मुलुक साउदी अरब, युएइ, कतारमा पनि दैनिक कोरोना संक्रमितको दर बढिरहेको छ । यी देशहरूमा पनि दैनिक २ हजारको हाराहारीमा संक्रमित थपिएरहेका छन् ।
त्यहाँ पनि कोरोनाका कारण मृत्यु हुनेको संख्या पनि दैनिक रूपमा बढी रहेको जनाइएको छ । विद्यार्थीहरूका रूपमा नेपाली जाने देश जापानमा पनि कोरोनाका कारण दैनिक मृत्यु हुनेको संख्या बढिरहेको छ । जापानमा शुक्रबार ३६ जनाको मृत्यु भएको थियो ।
जापानमा हालसम्म कोरोनाका कारण ९ हजार ८ सय जानको कोरोनाका कारण मृत्यु भएको छ । हालसम्म त्यहाँ ५ लाख ५१ हजार ८ सय ९८ जना संक्रमण भएका छन् । त्यसमध्ये ४ लाख ९४ हजार ८ सय ८२ जना निको भएका छन् ।
