काठमाडौं– दक्षिण कोरियाको मानव संसाधन विभाग (एचआरडी)ले सन् २०२१ को भाषा परीक्षामा उत्तीर्र्ण गराउनेको संख्या निर्धारण गरेको छ । परीक्षामा सहभागीमध्ये एचआरडीले सन् २०२१ म ५ हजार ४ सय जनालाई उत्तीर्र्ण गराउने भएको हो ।
भाषा परीक्षा उत्तीर्ण गरेकामध्ये कति जना कोरिया जान पाउँछन् भन्ने विषयमा कुनै जानकारी नआएको इपिएस कोरिया शाखाका निर्देशक इन्द्र गौतमले जानकारी दिएका छन् । वैदेशिक रोजगार विभागअन्तर्गतको रोजगार अनुमति प्रणाली (इपिएस) शाखा (एचआरडी) ले निर्धारण गरेको यो संख्या काम गर्न कोरिया लानेभन्दा पनि परीक्षा उत्तीर्णका लागिमात्रै निर्धारण गरिएको गौतमको भनाइ छ ।
एचआरडी कोरियाले सन् २०२१ मा विश्वका विभिन्न देशबाट ५२ हजार विदेश श्रमिक लैजाने गरी कोटा निर्धारण गरेको बताइएको छ । यो विश्वका विभिन्न १६ देशका लागि छुुट्टयाइएको कोटा हो । निर्देशक गौतमले यो पटक एचआरडीले संख्या पठाउँदा कोटा नभनेर परीक्षा उत्तीर्र्ण गर्ने संख्या भनिएको बताएका छन् । पहिलेका वर्षमा औद्योगिक र कृषि क्षेत्रका लागि अलगअलग कोटा आउने गरेको भए पनि यो वर्ष त्यस्तो नभएको गौतमको भनाइ छ । ५ हजार ४ सयमध्ये कति जना कोरिया जान पाउँछन् ? यस विषयमा अहिले केहि भन्न नसकिने उनले बताए । उनले भने, ‘अघिल्ला वर्षमा यति कोटा भनेर निर्धारण गरिएको हुुन्थ्यो, यो पटक त्यस्तो नभएर परीक्षा उत्तीर्ण गर्ने संख्या भनिएको छ, त्यसैले यो संख्यालाई कोरिया जाने संख्या भन्ने दुविधामा देखिएको छ, यस विषयमा आपूmहरुले बुझ्ने प्रयास गरिरहेका छौँ ।’
निर्देशक गौतमले गएको जनवरीमै सूचना निकालेर एचआरडीले पहिलो आधा वर्षमा उत्पादनतर्फ १ हजार ६८ जना नेपाली श्रमिक लैजाने भनेको भए पनि चार महिना बितिसक्दासमेत यो प्रक्रिया सुरु हुन नसकेको जानकारी दिए । यो समय सकिने २ महिना बाँकी रहेको अवस्थामा कामदार लैजाने प्रक्रिया अगाडि नबढेकाले थप यसै भन्न सकिने अवस्था नरहेको उनको भनाइ छ । पहिलो आधा वर्षका लागि गरेको प्रतिबद्धता नै कार्यान्वयन नभएको अवस्थामा दोस्रो आधा वर्षको लागि थप कोटा आएर कार्यान्वयन हुने सम्भावना न्यून बन्दै गएको जनाइएको छ ।
यो वर्षका लागि भाषा परीक्षा उत्तीर्ण गराउनेको संख्या निर्धारण भएर आएको भए पनि परीक्षा समय एकीन भइनसकेको निर्देशक गौतमले जानकारी दिएका छन् । कोरियाले नेपालबाट सन् २००८ देखि भाषा परीक्षा उत्तीर्र्ण गरेका श्रमिकलाई इपिएसमार्फत दक्षिण कोरिया लग्दै आएको छ । कोरिया सरकारले विदेशी श्रमिक आपूर्ति गर्दै आएका देशमा कोरोना भाइरसका कारण सन् २०२० मा कोरियन भाषा परीक्षा सञ्चालन गर्न सकेको थिएनन् ।
नेपालमा कात्तिकमा परीक्षा फर्म खुलाएर चैतमा परीक्षा लिँदै आएको थियो । यो वर्ष पनि कोरियन भाषा परीक्षाका विषयमा अहिलेसम्म टुंगो नलागेको निर्देशक गौतमले जानकारी दिएका छन् । इपिएस शाखाका अनुसार इपिएसमार्फत रोजगारीका लागि गएका ४५ हजारभन्दा बढी नेपाली युुवा दक्षिण कोरियाको रोजगारीमा गएका थिए । त्यसमध्ये हालसम्म ४० हजार युुवा त्यहाँ कार्यरत रहेको जनाइएको छ ।
-1752335779.jpg)
