काठमाडौं– गैरआवासीय नेपालीलाइ दोहोरो नागरिकता दिने सम्बन्धको विधेयक अन्तिम चरणमा रहेको राष्ट्रियसभाका अध्यक्ष गणेशप्रसाद तिमिल्सिनाले बताएका छन् । प्रवासी नेपाली एकता मञ्चले राष्ट्रियसभाका अध्यक्ष तिमिल्सिनालाई प्रवासीका समस्याका विषयमा जानकारी गराउन शनिबार भर्चुअल माध्यमबाट सञ्चालन गरेको कार्यक्रममा उनले यस्तो बताएका हुन् ।
उनका अनुसार नागरिकताका सवालमा हाल संसदमा विधेयक पेस भइसकेको र यसमा थप केही मागहरू सम्बोधन गर्नुपर्ने रहेको भनी संशोधन प्रस्ताव पेससमेत भएको छ । उनले सो विधेयक राष्ट्रियसभामा आउँदा आफूले थप आवाज उठाउने आश्वासनसमेत दिएका थिए । मञ्चले अध्यक्ष तिमिल्सिनालाई प्रवासीका समस्याका विषयमा जानकारी गराएका छन् । कार्यक्रममा बोल्नेहरुले विदेशमा भएका विभिन्न समस्याको बारेमा अध्यक्ष तिमिल्सिनालाई जानकारी गराएका थिए । कार्यक्रममा वक्ताहरूले दक्षिण कोरियामा अझैसम्म पनि राजदूत नियुक्त हुन नसक्दा आत्ना गुनासाहरूको कूटनीतिकरूपमा पहल हुन नसकेकाले बताउँदै तुरुन्त राजदूत पठाउन अनुरोध गरेका थिए ।
युरोप र नेपालबीच सिधा हवाई उडान गर्न पनि कार्यक्रमका सहभागीले अनुरोध गरेका थिए । गैरआवासीय नेपालीलाई दिने भनिएको नागरिकता नेपालमा रहने नेपालीसरह हुनुपर्ने तथा खाडी मुलुकमा रहेका लाखौँ नेपालीले सिकेको सीप र ज्ञानको उपयोग राज्यले गर्नु पर्नेजस्ता सुझाव र समस्या पनि उनीहरुले अध्यक्ष तिमिल्सिना समक्ष राखेका थिए ।
सो अवसरमा अध्यक्ष तिमिल्सिनाले पछिल्लोपटक अन्य देशमा राजदूत पठाउने क्रममा संसदीय सुनुवाइमा नाम पठाउने क्रममा कोरिया छुटेका कारण यस्तो हुन गएको र अब छिट्टै पठाइने बताएका छन् । अध्यक्ष तिमिल्सिनाले युरोप र नेपालबीच सिधा हवाई उडानका लागि युरोपमा हाल नेपाली जहाज उडाउन प्रतिबन्ध रहेकाले समस्या भएको बताएका छन् । यस विषयमा आपूmहरुले विकल्पका रूपमा रसिया–नेपाल सिधा उडानका लागि नेपालका लागि रसियाका राजदूतसँग निरन्तर संवादमा गरिरहेको पनि जानकारी दिएका थिए । कार्यक्रममा विश्वका विभिन्न देशबाट प्रवासी नेपाली मञ्चका पदाधिकारी, पत्रकार र अन्य सामाजिक व्यक्तिŒवहरूको समेत सहभागिता रहेको थियो ।
-1752335779.jpg)
