काठमाडौं– कतारमा रहेको नेपाली दूताबासले दूताबासमा आएर भिडभाड गर्न आग्रह गरेको छ । राहदानीको म्याद सकिएकाहरूले निवेदन दिने क्रम ह्वात्तै बढेपछि । कोरोना भाइरस (कोभिड–१९) का कारण भिडभाड गर्न नहुने भन्दै दूताबासले आग्रह गरेको हो ।
राहादानीको म्याद ६ महिनाभन्दा बढी भएकाहरूलाई आवदन नगर्न आग्रह गरेको छ । राहदानीको म्याद सकिएकाहरूलाई पनि कतार आइडीको म्याद हुनेहरूले तुरुन्तै कुनै यात्रा गर्नु पर्ने अवस्था नभएमा राहदानीका लागि आवेदन नगर्न पनि दूताबासले सूचनामार्फत अनुरोध गरेको छ । राहदानी बनाउनै पर्नेहरूको हकमा राहदानी बिभागको वेवसाईटमा रहेको लिंकमा गएर फाराम भरी सोको प्रिन्ट १ प्रति, सक्कल राहदानी, सोको प्रतिलिपि र नागरिकताको प्रतिलिपिसहित कार्यालय खुल्ने दिन (आइतबारदेखि बिहीबारसम्म) बिहान ९ बजेदेखि अपराह्न १२ बजेसम्म राजदूताबासमा आउन सकिने बताइएको छ ।
यसैगरी, बनिसकेका राहदानी बुझिलिने सम्बन्धमा राजदूताबासको वेबसाइट तथा फेसबुक पेजमा अपलोड गरिएका सूचनामा उल्लेख भएको सिरियल नम्बर नोट गरी सक्कल राहदानी र शूल्क बुझाएको रसिदसहित कार्यालय खुल्ने दिन अपराह्न १२ बजेदेखि ३ बजेसम्म राजदूताबासमा आफै उपस्थित भई राहदानी बुझिलिन पनि दूताबासले अनुरोध गरेको छ ।
यसैबीच, शनिबार मात्रै कतारमा कोरोनाका कारण ७ जनाको मृत्यु भएको छ । योस“गै कतारमा ज्यान गुमाउनेको संख्या ३ सय ३१ पुगेको छ । शनिबार कतारमा थप ९ सय ६४ जना नया“ संक्रमित थपिएका छन् । हालसम्म कतारमा १ लाख ८९ हजार ६४ जनामा कोरोना संक्रमण पुष्टि भएको छ । जसमध्ये १ लाख ६९ हजार ८६ जना निको भएर फर्किएको वल्डो मिटरको तथ्यांकले देखाएको छ ।
-1752335779.jpg)
