काठमाडौं– नयाँ सरकार गठनबारे छलफल गर्न प्रमुख प्रतिपक्षी दल नेपाली कांग्रेसले विपक्षी दलहरुलाई बोलाएको छ । नेपाली कांग्रेसले नयाँ सरकार गठनका लागि शुक्रबार दिउँसो पार्टी कार्यालय सानेपामा जनता समाजवादी पार्टी (जसपा) र नेकपा (माओवादी केन्द्र)सँग बैठक गर्ने भएको हो ।
सत्ता समीकरणको छलफलका लागि नेपाली कांग्रेसका सभापति शेरबहादुर देउवाले माओवादी केन्द्र र जनता समाजवादी (जसपा)लाई बोलाएका छन् । यो बैठकसँगै नयाँ सरकार गठन प्रक्रियाका लागि वातावरण बन्ने कांग्रेसको विश्वास गरेको छ । कांग्रेस उच्च स्रोतका अनुसार शुक्रबारको बैठकमा जसपाका दुवै खेमाका नेताहरुलाई पार्टी सभापति शेरबहादुर देउवाले विशेष निम्तो दिएका छन् । देउवाको निम्तोलाई जसपाका नेताहरुले सकारात्मक रुपमा लिएका छन् ।
बैठकमा जसपाका उपेन्द्र यादव, डा.बाबुराम भट्टराईसँगै महन्थ ठाकुर र राजेन्द्र महतो पनि सहभागी हुने स्रोतको भनाइ छ । अहिले ठाकुर र महतोले प्रधानमन्त्री केपी ओलीलाई राजीनामा गराउने र आङ्खनो नेतृत्वमा सरकार गठन गर्ने कांग्रेसको निर्णय एकलौटी भएको भन्दै असन्तुष्टि व्यक्त गरेका थिए ।
कांग्रेसले आफूहरुसँग सल्लाह गरेर निर्णय गरेको भए सरकार गठनबारे छलफल अघि बढ्न सक्ने जसपा नेता महतोले बताएका थिए ।
ओलीले विघटन गरेको संसद सर्वोच्च अदालतले पुनस्र्थापना गर्ने फैसला गरेको ३९ दिनपछि २० चैतमा मात्रै कांग्रेसले ओलीलाई सत्ताबाट हटाउने र आङ्खनो नेतृत्वमा सरकार बनाउन पहल गर्ने निर्णय गरेको थियो । शुक्रबार देउवाले बोलाएको बैठकमा माओवादीका तर्फबाट अध्यक्ष पुष्पकमल दाहाललगायत नेताहरु सहभागी हुने बताइएको छ ।
-1752335779.jpg)
