काठमाडौं– वैदेशिक रोजगारमा गएका श्रमिकको संरक्षणमा सरकार विफल भएको मानव अधिकारको क्षेत्रमा कार्यरत संस्था एम्नेष्टी इन्टरनेसनलले जनाएको छ ।
बन्दाबन्दी लागँ भएपछि विदेशमा अलपत्र परेका लाखौँ नेपाली श्रमिकको अधिकार संरक्षण गर्न सरकार विफल भएको आरोप एम्नेष्टीले लगाएको हो । कोरोना भाइरस (कोभिड–१९) का कारण विदेशमा रहेका श्रमिकको संरक्षण गर्न सरकार विफल भएको उसले जनाएको छ ।
एम्नेष्टीले सन् २०२०÷२१ को वार्षिक प्रतिवेदन सार्वजनिक गर्दै वैदेशिक रोजगार कल्याणकारी कोषको माध्यमबाट विदेशमा रोजगारमा रहेका श्रमिकहरुको संरक्षण र सुलभ रुपमा स्वदेश फिर्ती प्रक्रिया सुनिश्चित गर्न सरकार असफल भएको जनाएको छ । सरकारले विदेशमा रहेका आफ्ना नागरिकको संरक्षणमा चासो नदिएको उसले बताएको छ । एम्नेष्टीद्वारा जारी विज्ञप्तिमा स्वदेश फर्केका धेरै आप्रवासी श्रमिकहरुको जीवनस्तर सुनिश्चित गर्न सरकार असफल भएको जनाएको छ ।
कोभिड–१९ क्वारेटिन सुविधा स्थलहरुमा उनीहरुको स्वास्थ्य र सुरक्षाको संरक्षण गर्न पनि सरकार विफल भएको विज्ञप्तिमा भनिएको छ । जेठमा कैलाली जिल्लाको क्वारेन्टिनमा बसेकी विदेशबाट स्वदेश फकिएकी एक महिला बलात्कृत भएको घटनाले सरकारले नागरिकको संरक्षणमा काम गर्न नसकेको उसको भनाइ छ ।
-1752335779.jpg)
