काठमाडौं– पछिल्लो समय वैदेशिक रोजगारीको लागि श्रम स्विकृति लिनेको संख्या दोब्बरले बढेको छ । ६ चैतको तुलनामा १९ चैतसम्म श्रम स्विकृति लिनको संख्यामा दोब्बरले वृद्धि भएको हो ।
श्रम रोजगार तथा सामाजिक सुरक्षा मन्त्रालयको साप्ताहिक बिवरणअनुसार पुनः श्रम स्विकृति लिने तथा नयाँश्रम स्किृति लिने दुवैको संख्या बढ्दै गएको हो । ६ चैतसम्म ३ हजार ५ सय २२ जनाले पुनः श्रमस्किृति लिएका थिए भने १९ चैतसम्म त्यो संख्या बढेर ६ हजार ९ सय २७ जना पुगेको छ । त्यस्तै ६ सम्म २ हजार ९ सय ८८ जनाले नयाँश्रम स्किृति लिएकोमा १९ चैतसम्मको एक हप्तामा ५ हजार ९ सय ६६ जनाले पुगेको छ ।
मन्त्रालयले बुधबार सार्वजनिक गरेको १९ गतेसम्मको बिवरण अनुसार पुनः श्रम स्विकृति र नयाँश्रम स्विकृति लिनेको संख्यामा वृद्धि भइरहेको छ । मन्त्रालयले २१ फागुनमा सर्वाजनिक गरेको बिवरणअनुसार २ हजार ७ सय ९९ जनाले पुनः श्रम स्विकृति लिएका थिए । जुन २८ फागुनमा बढेर २ हजार ९ सय ८८ पुगेको थियो । यसरी लगातार चौँथो हप्ता पनि श्रम स्विकृति लिनेको संख्यामा वृद्धि भइरहेको देखिन्छ ।
पछिल्लो समय कोरोना भाइरस (कोभिड–१९) को खोप आएसँगै विदेश जानेको संख्यामा वृद्धि भएको मन्त्रालयले जनाएको छ । कोरोनाका कारण विदेश जान नपाएकाहरु खोप सुरु भएसँगै विदेशिन थालेकाले पनि यो संख्यामा वृद्धि भएको मन्त्रालयले जनाएको छ । मन्त्रालयको तथ्यांकअनुसार १९ चैतसम्म नयाँश्रम स्विकृति लिनेको संख्या ३२ हजार ८५ जना रहेको मन्त्रालयको तथ्यांकमा देखिएको छ । त्यस्तै १९ चैतसम्म पुनः श्रम स्विकृति लिनेको संख्या ५४ हजार ४ सय १५ रहेको छ ।
मन्त्रालयको तथ्यांकअनुसार १९ चैतसम्म कलसेन्टरमा ८ सय ९९ वटा गुनासो दर्ता भएको छ । ६ चैतसम्म यो संख्या ४ सय ८२ रहेको थियो । ६ चैतसम्मको हप्तामा ४ सय ४८ वटा गुनासा सम्बोधन गरिएको थियो भने १९ चैतसम्मको एक हप्तामा ८ सय ५० वटा गुनासाको सम्बोधन गरिएको मन्त्रालयले जनाएको छ । अहिले सम्म ७ हजार ३ सय ७८ गुनासा आएको र ६ हजार ८ सय ६८ वटा गुनासाको सम्बोधन भएको मन्त्रालयको तथ्यांकमा देखिएको छ ।
