काठमाडौं– कोरिया सरकारले नेपाललाई रेडजोनबाट हटाएको छ । कोरोनाका कारण रेडजोनमा रहेको नेपाललाई कोरिया सरकारले केहि दिनअघि निगारानी जोनमा राखेको थियो ।
कोरोनाको खोप विकास भएसँगै कोरियाले रेडजोनबाट हटाउनु नेपालका लागि सकारात्मक भएको इपिएस कोरिया शाखाका निर्देशक इन्द्रप्रसाद गौतमले जानकारी दिएका छन् । अहिले विद्यार्थी भिसामा कोरिया जान पाउने गरी रेडजोनबाट हटाइएको गौतमको भनाइ छ । अहिले परीक्षणका लागि खुला गरिएको र विस्तारै श्रमिकका लागि पनि कोरिया खुला हुने विश्वास रहेको उनले बताए । जसबाट कोरियन भाषा पास गरेर बसेका नेपाली युवालाई लाभ पुग्ने विश्वास व्यक्त गरिएको छ ।
‘पहिले सबै भिसाहरु रोखिएको थियो । अहिले विद्यार्थी भिसा खुलेको छ, यसलाई सकारात्मक रुपमा लिएका छाँ,’ निर्देशक गौतमले भने । सबै क्षेत्र एकैपटक खोल्नेभन्दा पनि कोरियाले चरण–चरणमा विभिन्न क्षेत्र खुला गर्ने रणनीति लिएकोजस्तो देखिएको गौतमको भनाइ छ । अहिलेलाई आंशिक रुपमा खुला गरिएको उनले बताए । पूर्णरुपमा खुल्नका लागि केही समय लाग्न सक्ने उनको भनाइ छ ।
कोरोनाका कारण इपिएस कोरियाअन्तर्गत भाषा पास गरेका नेपाली युवाहरु कोरिया जान नपाइरहेको अवस्थामा रेड जोनबाट हटाउनुलाई सकारात्मक रुपमा हेरिएको निर्देशक गौतमले बताए ।
-1745656903.jpeg)