काठमाडौं– नेपालबाट विभिन्न देशमा रोजगारी तथा अध्ययनका लागि गएका २ सय ७४ जनाको कोरोना साइरस (कोभिड–१९) का कारण मृत्यु भएको छ । कोरोना भाइरस देखिएदेखि हालसम्म २ सय ७४ जनाको मृत्यु भएको हो ।
कोरोनाका कारण यो अवधिमा साउदी अरबमा १ सय ३ जनाले ज्यान गुमाएको वैदेशिक रोजगार बोर्डका निर्देशक तथा सूचना अधिकारी दिनबन्धु सुवेदीले जानकारी दिएका छन् । उनका अनुसार अहिलेसम्म युएईमा ७० जनाले ज्यान गुमाएका छन् । त्यस्तै कतारमा २८ जनाको मृत्यु भएको छ ।
त्यस्तै कुवेतमा १२ जना, मलेसियामा ९ जान, बहराइनमा ६ जनाले ज्यान गुमाएका छन् । त्यस्तै दक्षिण कोरियामा ३ जनाको मृत्यु भएको छ भने अफगानस्तान, ओमानमा १–१ जनाले ज्यान गुमाएका छन् । कोरोनाका कारण ज्यान गुमाएका उनीहरू सबैको विदेशमा नै अन्त्यष्टि गरिएको बोर्डले जनाएको छ । कोरोनाका कारण शब नेपाल ल्याउन नसकिने अवस्थामा परिवारको सहमतिमा उतै अन्त्यष्टि गर्ने काम गरिएको बोर्डका सूचना अधिकारी सुवेदीले बताएका छन् ।
कोरोनाका कारण विदेशमा स्याङ्जा र धनुषाका १५–१५ जनाको ज्यान गएको बोर्ड तथ्यांकले देखाएको छ । त्यस्तै झापाका १४ जनाको ज्यान गएको छ भने कास्की र मोरङका १२–१२ जनाको मृत्यु भएको सूचना अधिकारी सुवेदीले बताए ।
त्यस्तै सुनसरी जिल्लाका ११ जनाको कोरोना कारण विदेशमा ज्यान गएको छ । त्यस्तै सिराहका ७, दाङ, महोत्तरी, मकवानपुर, पाँचथरका ६–६ जनाले ज्यान गुमाएको विभागको तथ्यांकमा देखिएको छ । कोरोनाका कराण उतै अन्त्यष्टि गरिएकाका परिवारले क्षतिपूर्ति बापत थप ५० हजार पाउने पनि बताइएको छ ।
-1745656903.jpeg)