काठमाडौं– पछिल्लो समय वैदेशिक रोजगारीको लागि श्रम स्विकृत लिनेको संख्या बढ्दै गएको छ । श्रम रोजगार तथा सामाजिक सुरक्षा मन्त्रालयको साप्ताहिक बिवरणअनुसार पुनः श्रम स्विकृत लिने तथा नयाँ दुवैको संख्या बढ्दै गएको हो ।
मन्त्रालयले बुधबार सार्वजनिक गरेको ६ चैतसम्मको बिवरण अनुसार पुनः श्रम स्विकृति लिनेको संख्यामा वृद्धि भइरहेको छ । मन्त्रालयले २१ फागुनमा सार्वजनिक गरेको बिवरणअनुसार २ हजार ७ सय ९९ जनाले पुनः श्रम स्विकृती लिएका थिए । जुन २८ फागुनमा बढेर २ हजार ९ सय ८८ पुगेको थियो । त्यस्तै मन्त्रालयले ६ चैतमा सार्वजनिक गरेको साप्ताहिक प्रगति बिवरणअनुसार यो संख्या बढेर ३ हजार ५ सय २२ पुगेको हो ।
यसरी पुनः श्रम स्विकृति लिनेको संख्या लगातार तेस्रो हप्ता पनि बढेको हो । यसअघि १४ फागुनमा भने पुनः श्रमस्विकृति लिनेको संख्या ५ हजार भन्दाबढी थियो । त्यतिखेर ५ हजार २ सय ८२ जनाले पुनः श्रम स्विकृति लिएका थिए भने ३ हजार ८ सय २८ जनाले नयाँ श्रम स्विकृति लिएको मन्त्रालयले जनाएको छ । त्यसपछिको एक हप्ता केही घटेको श्रम स्विकृति लिनेको संख्या फेरि क्रमिक रुपमा बढ्न थालेको हो ।
पछिल्लो समय कोरोना भाइरस (कोभिड–१९) को खोप आएसँगै विदेश जानेको संख्यामा वृद्धि भएको मन्त्रालयले जनाएको छ । कोरोनाका कारण विदेश जान नपाएकाहरु खोप सुरु भएसँगै विदेशिन थालेकाले पनि यो संख्यामा वृद्धि भएको मन्त्रालयले जनाएको छ ।
नयाँ श्रमस्विकृति लिनेको संख्या पनि २८ फागुनको भन्दा ६ चैतसम्मको तथ्यांकमा वृद्धि भएको छ । २८ फागुनमा २ हजार २ सय ६२ जनाले नयाँ श्रम स्विकृति लिएका थिए भने ६ चैतसम्मको एक हप्तामा २ हजार ९ सय ८८ जनाले नयाँ श्रम स्विकृति लिएका छन् ।
मन्त्रालयको तथ्यांकअनुसार चालु आर्थिक वर्षको ६ चैतसम्मको विवरणअुनसार ५० हजार ८ सय ९३ जनाले पुनः श्रम स्विकृति लिएका छन् । हालसम्म व्यक्तितग तथा संस्थागत रुपमा नयाँ श्रमस्विकृति लिनेको संख्या २९ हजार ९७ जना रहेको मन्त्रालको तथ्यांकमा उल्लेख छ ।
-1745656903.jpeg)