काठमाडौं– श्रम रोजगार तथा सामाजिक सुरक्षा मन्त्रालयले वैदेशिक रोजगारीमा जाने श्रमिकको सुविधाका लागि सञ्चालन गरेको कल सेन्टरमा गुनासो टिपाउनेको संख्या बढ्दै गएको छ ।
श्रम कल सेन्टरमा चैतको पहिलो पाँच दिनको अवधिमा मात्र एक सय ९१ श्रमिकले गुनासो दर्ता गराएका हुन् । कोरोना महामारीका कारण लामो समयसम्म थलिएको वैदेशिक रोजगारीमा जाने आउने क्रम सुरु भएसँगै श्रमिकहरूले कल सेन्टरमा गुनासो टिपाउन थालेका हुन् ।
कल सेन्टरमार्फत् श्रम, रोजगार तथा सामाजिक सुरक्षा मन्त्रालयमा ७ जनाले सोधपुछ गरेका छन् । वैदेशिक रोजगार विभागमा सामान्य सोधपुछ ४ जना, वैदेशिक रोजगार सम्बन्धी सोधपुछ २ जना, घर फर्कन चाहेर पनि फर्किन नपाएको १ जना, पासपोर्ट हराएको १ जना गरी जम्मा ८ जनाले आङ्खनो गुनासो दर्ता गराएका छन् ।
यस्तै व्यावसायिक तथा सीप विकास तालिम प्रतिष्ठानमा सीप सम्बन्धी सोधपुछका लागि १ जनाले गुनासो गरेको श्रम रोजगार तथा सामाजिक सुरक्षा मन्त्रालय अन्तर्गत श्रम कल सेन्टरले जनाएको छ । अहिले पनि वैदेशिक रोजगारीमा जाने श्रमिकहरूले विभिन्न समस्याहरू झेल्ने गरेका छन् । श्रम रोजगार तथा सामाजिक सुरक्षा मन्त्रालयअन्तर्गत श्रमिकले श्रम कल सेन्टरमा आङ्खनो गुनासो राख्न पाउने व्यवस्था रहेको छ । रोजगारीको लागि विभिन्न देशमा जाने क्रममा र समस्या परेको बेलामा उक्त सरकारी निकायमा गुनासो राख्नेको संख्या बढी रहेको छ ।
त्यसैगरी, वैदेशिक रोजगार बोर्डमा सामान्य सोधपुछ ३ जना र सीप सम्बन्धी सोधपुछ ६ जना मृतक कामदारको परिवार सदस्यलाई आर्थिक सहायताको लागि ८ जना, अंगभंग वा बिरामी भएको कामदारहरूको उद्दारको लागि १ जना, बिरामी भएर फर्किएकोलाई आर्थिक सहायता सम्बन्धी ३ जना र विदेशबाट शव झिकाउनको लागि २ जना गरी २३ जनाले गुनासो गरेको बताइएको छ ।
सेन्टरका अनुसार वैदेशिक रोजगार कार्यालयमा वैदेशिक रोजगार सम्बन्धी सोधपुछको लागि १५ जनाले गुनासो गरेका छन् । इपिएस. कोरिया शाखामा रोजगारीका लागि २ जना र श्रम कल सेन्टरमा सामान्य सोधपुछको लागि २ जनाले गुनासो गरेका छन् ।
-1745656903.jpeg)