काठमाडौं– वैदेशिक रोजगारीका लागि फागुन महिनामा ९ हजार भन्दा बढी विदेशिएका छन् । वैदेशिक रोजगार विभागले सार्वजनिक गरेको तथ्यांकका अनुसार एक महिनाको अवधिमा ९ हजार १ सय ४६ जना विदेशिएका हुन् ।
फागुनमा विदेश जानेमध्ये ८ हजार ३ सय १६ जना पुरुष रहेका छन् भने ८ सय ३० जना महिला रहेको विभागले जनाएको छ । विभागका अनुसार फागुन महिनामा सबैभन्दा बढी ४ हजार ७४ जना कतार गएका छन् । जसमा ३ हजार ९ सय १७ जना पुरुष र १ सय ५७ जना महिला रहेको विभागले जनाएको छ । कतारपछि युएईमा १ हजार ४ सय ८५ जना श्रमिक कामका लागि गएका छन् । जसमा १ हजार ३ सय १० जना र १ सय ७५ जना महिला रहेका छन् ।
त्यसैगरी, फागुन महिनामा साउदी अरब १ हजार २ सय २४ जना पुरुष कामको सिलशिलामा गएका छन् । त्यस्तै एक महिनाको अवधिमा ५ सय ३२ पुरुष र ५८ जना महिला गरी ५ सय ९० जना रोमानिया उडेका छन् । यो अबधिमा ४ सय ४५ जना बहराइन गएका छन् । जसमा ४ सय १४ जना पुरुष र ३१ जना महिला रहेका छन् । त्यस्तै यो अबधिमा २ सय ८६ जना ओमानमा गएको विभागले जनाएको छ । जसमा २ सय ७० पुरुष र १६ जना महिला रहेका छन् । त्यस्तै १ सय ९५ जना जोडन गएका छन् भने ६८ जना माल्दिभ्स्का लागि गएको विभागको तथ्यांकले देखाएको छ ।
फागुन महिनामा विदेशिने श्रमिकको संख्या माघ महिनाको तुलनामा ८ हजार ७ सय ४१ जना कम हो । फागुन महिनामा १८ हजार ८ सय ८७ जना विदेशिएको विभागले जनाएको छ । विदेश जानेहरुमा अधिकाशं खाडी मुलुकमा गएको विभागले जनाएको छ ।
