विमानस्थल स्तब्ध

वैदेशिक रोजगार

Home
वैदेशिक रोजगार
विमानस्थल स्तब्ध

विमानस्थल स्तब्ध

प्रभाव संवाददाता आइतबार, माघ ११, २०७७

Sab

काठमाडौ– शनिबार त्रिभुवन अन्तर्राष्ट्रिय विमानस्थल स्तब्ध देखिएको थियो । गत जनवरीमा वैदेशिक रोजगारीको सिलसिलामा मलेसिया पुगेको १९ जनाको शब विमानस्थल आइपुग्नेबित्तिकै आफन्तहरूको रुबावासीले विमानस्थल नै स्तब्ध भएको थियो । शनिबार अपराह्न निकैबेर रुवाबासी मच्चियो । मलेसियाबाट शव बोकेको नेपाल वायुसेवा निगमको विमान अवतरण गर्नुअगावै मृतकका आफन्तहरू विमानस्थलमा जम्मा भइसकेको थिए । वैदेशिक रोजगारीको सिलसिलामा मलेसिया पुगेको १९ जनाको विभिन्न कारण यहि जनवरीमा मात्र मृत्यु भएको थियो । मृत्यु भएका ती कामदारको शव मलेसियालमा अलपत्र परिरहेको थियो । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को वाइडबडी ए ३३० विमानले शनिबार मलेसियाबाट १८ वटा नेपाली कामदारको शव नेपाल ल्याएको हो । शव बोकेको विमान अवतरण गर्नेबित्तिकै मृतकका आफन्तहरू रुवाबासी गर्दै शव लिन दौडिए । आफन्तको मृत्युपछि शोकमा रहेकाहरू विमानस्थलमा भावविह्वल मुद्रामा शव कुरिरहेका थिए । घटनाको बारेमा थाहा पाएदेखि नै शोकमा डुबेका आफन्तहरू शव भेटेपछि थप चिन्तित देखिए । एक शवको अस्तुसहित १९ वटा शव नेपाल ल्याइएको निगमले जनाएको छ । शव लिन निगमको विमान शुक्रबार राति ११ बजे त्रिभुवन अन्तर्राष्ट्रिय विमानस्थलबाट मलेसियाको क्वालालम्पुर उडेको थियो । संस्थागत सामाजिक उत्तरदायित्वअन्तर्गत निगमले नेपालीको शव ल्याएको जनाएको छ । वैदेशिक रोजगारीको सिलसिलामा मलेसियामा काम गर्न गएका नेपाली विभिन्न कारणले मृत्यु भएर त्यहाँ अलपत्र अवस्थामा थिए । मृतकका परिवारको पीडालाई बुझेर निगमले सामाजिक उत्तरदायित्व बहन गर्ने क्रममा शव ल्याएको निगमले उल्लेख गरेको छ । निगमले क्वालालम्पुर गन्तव्यमा न्यारोबडी विमानले नियमित उडान गर्दै आएको छ । नेपाली कामदारको शव लिनकै लागि निगमले पहिलोपटक वाइडबडी विमान प्रयोग गरेको हो । वाइडबडी विमानमा १८ वटा शव बोक्ने क्षमता हुन्छ । मलेसियास्थित नेपाली दूतावाससँगको समन्वयमा निगमले नेपालीको शव ल्याएको जनाएको छ । नेपाली दूताबासलाई उद्धृत गर्दै निगमले जनाएअनुसार अझै त्यहाँ ३७ वटा शव अपलत्र अवस्थामा रहेको छ । ती शव समयभित्रै नेपाल ल्याउन आवश्यक तयारी भइरहेको जनाएको छ । विदेशमा अलपत्र नेपाली कामदारको शव नेपाल ल्याएर निगमले सामाजिक उत्तरदायित्वको उदाहरणीय काम भएको निगमका सहप्रवक्ता शुलेख मिश्रले बताएका छन् । निजी क्षेत्रका विमानले शव बोक्न आनाकानी गर्ने गरेको अवस्थामा निगमले प्रशंसनीय काम गरेको बताइएको छ ।

प्रकाशित मिति: आइतबार, माघ ११, २०७७ ०४:१५

प्रतिक्रिया दिनुहोस्