काठमाडौं– नेपाल उद्योग बाणिज्य महासंघले महासंघको वैदेशिक रोजगार फोरमको सभापतिमा नेपाल वैदेशिक रोजगार व्यवसायी संघका अध्यक्ष विष्णुप्रसाद गैरेलाई मनोनित गरेको छ । आइतबार महासंघका अध्यक्ष शेखर गोल्छाको अध्यक्षतामा बसेको दोस्रो बैठकले फोरमको सभापतिमा गैरेलाई मनोनित गरेको हो ।
म्यानपावर व्यवसायीलाई पहिलोपटक वस्तुगततर्फबाट महासंघमा उपस्थित गराएर वैदेशिक रोजगार फोरम गठन गरी सभापति बनाएको यो पहिलो चोटी हो । साथै, महासंघले गठन गरेको फोरमको सभापतिका जिम्मेवारी पाउने पहिलो व्यवसायी गैरे हुन् ।
महासंघद्वारा गठन गरिएको फोरमले वैदेशिक रोजगार क्षेत्रका समस्या पहिल्याएर त्यसको समाधान गर्न भनी गैरेको नेतृत्वमा उपसभापतिसहित ८ जना सदस्य चयन गरेको छ । गठन भएको फोरमका टिमलाई सफल कार्यकालसहित प्रभावकारी कार्य गर्न र महासंघको प्रतिष्ठालाई उचाइँमा पुर्याउन महासंघका अध्यक्ष गोल्छाले शुभकामनासहित निर्देशन दिएका छन् ।
-1745656903.jpeg)