काठमाडौं– वैदेशिक रोजगारीका समस्या अझ अध्ययन गर्नका लागि सांसद एलपी साँवा लिम्बूको संयोकजत्वमा पाँच सदस्यीय उपसमिति गठन भएको छ । संसदको उद्योग तथा बाणिज्य र श्रम तथा उपभोक्ता समितिले बिहीबार सांसद लिम्बूको संयोकजत्वमा पाँच सदस्यीय वैदेशिक रोजगारीका समस्या अध्ययन उपसमिति गठन गरेको हो ।
सँंसद लिम्बूको उपसमितिले पछिल्लो समय वैदेशिक रोजगारको क्षेत्रमा बढ्दै गएका विकृतिहरूको बारेमा विशेष अध्ययन गरी समितिलाई अध्ययन प्रतिवेदन पेस गर्ने जनाइएको छ । वैदेशिक रोजगारीमा बढ्दो ठगी धन्दा, कामदार पठाउने बहानामा सिन्डिकेट, अनियमिता, भिजिट भिसाबाट कानुनी बाटो छलेर कामदार पठाउने विषयमा उपसमिलिते अध्ययन गर्ने जनाइएको छ ।
समितिमा सांसद कृष्णकुमार श्रेष्ठ (किसान), अमृता अग्रहरी, दुर्गाकुमारी विश्वकर्मा र प्रकाश रसाइली स्नेही सदस्य रहेका छन् । सांसद् लिम्बू वैदेशिक रोजगार क्षेत्रका विशेष जानकार व्यक्ति मात्र नभएर म्यानपावर व्यवसायीहरूको छाता संगठन नेपाल वैदेशिक रोजगार व्यवसायी संघका पूर्वअध्यक्षसमेत हुन् ।
