काठमाडौं– युएईका लागि नयाँ मागपत्र प्रमाणीकरण सुरु हुने भएको नेपाल वैदेशिक रोजगार व्यवसायी संघका सचिव मेघनाथ भुर्तेलले बताएका छन् । उनका अनुसार युएईको सरकारी र अर्धसरकारी, फ्रि जोनअन्तर्गत व्यक्तिगततर्फ वैदेशिक रोजगार विभागले नयाँ मागपत्र प्रमाणीकरण सुचारु गर्न लागेको हो ।
सोमबार विभागका महानिर्देशकसँग भेटमा विभागका तर्फबाट लगभग नयाँ मागपत्र खोल्ने एक खालको तयारी गरिन लागिएको बताइएको सचिव भुर्तेलले बताएका छन् । यस विषयमा परराष्ट्र सचिवलाई फोन गरेर विभागका महानिर्देशक कुमारप्रसाद दाहालले सोधपुछ गरेको पनि उनले बताए ।
साथै, संस्थागत रुपमा व्यवसायी गर्नेहरुको मागपत्र प्रमाणीकरण नहुने तर, दैनिक ५ सयका दरले भिजिट भिसामा जानेहरुको जिम्मेवारी कस्ले लिने भन्ने विषयमा महानिर्देशक दाहालले परराष्ट्र सचिवसँग बुझेको उनले बताए ।
सोमबारदेखि नै नयाँ मागपत्र प्रमाणीकरण भयो भन्ने विषयमा पूर्ण रुपमा तय नभइसकेको पनि उनले बताएका छन् । उनका अनुसार माग पत्र नबुझाइएको खण्डमा अहिले नै मागपत्र प्रमाणीकरण भयो भन्ने मिल्दैन र त्यसको अन्तिम नतिजा आउन बाँकी नै छ ।
उनका अनुसार चरणगत रुपमा नयाँ मागपत्र प्रमाणीकरण गरिनेछ । कतारको सन्दर्भमा मागपत्र प्रमाणीकरणीको काम भइसकेको उनले बताए । कतारपछि युएई र साउदीको माग पत्र प्रमाणीकरण गरिने उनको भनाइ छ । कोरोना बन्द रहेको मागपत्र प्रमाणीकरण कार्य अब दूताबासबाट पुनः सुरु हुन लागेको हो ।
