काठमाडौं– वैदेशिक रोजगार कार्यालय ताहाचलले १ भदौदेखि ४ असोजसम्म ९ हजार २ सय ६६ जनाले नयाँ, पुनः र वैधानिकीकरणतर्फ श्रम स्विकृति लिएको जनाएको छ ।
१ भदौदेखि ३० सम्म ८ हजार ९७ जनाले र १ असोजदेखि ४ सम्म १ हजार १ सय ६९ गरी ९ हजार २ सय ६६ जनाले श्रम स्विकृति लिएको ताहाचल कार्यालयले जनाएको हो ।
ताहाचल कार्यालयका अनुसार ४ असोज मंगलबार एकैदिन ४ सय १५ जनाले श्रम स्विकृति लिएका छन् ।
जसमध्ये ४ सय १ पुरुष र १४ जना महिलाले श्रम स्विकृति लिएको ताहाचल कार्यालयले जनाएको छ ।
त्यस्तै, ३ असोज सोमबार ३ सय ८१ जनाले श्रम स्विकृति लिएकामध्ये ३ सय ७३ पुरुष र ८ जना महिला रहेको पनि ताहाचल कार्यालयले जनाएको छ ।
यसैगरी २ असोज आइतबार ३ सय ७३ जनाले श्रम स्विकृति लिएको पनि ताहाचल कार्यालयले जनाएको छ । कार्यालयका अुनसार त्यस दिन ३ सय ६० पुरुष र १७ जना महिलाले श्रम स्विकृति लिएका छन् ।
पुरुषले लिए सबैभन्दा बढी श्रम स्विकृति
नयाँ, पुनः र वैधानिकीकरणतर्फ सबैभन्दा बढी श्रम स्विकृति लिनेमा पुरुष रहेको ताहाचल कार्यालयले जनाएको छ ।
१ भदौदेखि हालसम्म सबैभन्दा बढी ८ हजार ८ सय १० जना पुरुषले वैदेशिक रोजगारीका लागि श्रम स्विकृति लिएका छन् ।
१ भदौदेखि ३० सम्म ७ हजार ७ सय ७६ जना पुरुषले श्रम स्विकृति लिएका छन् भने १ असोजदेखि ४ सम्म १ हजार १ सय ३४ जना पुरुषले श्रम स्विकृति लिएको कार्यालयले जनाएको छ ।
महिलाको संख्या न्यून
वैदेशिक रोजगारीमा जानका लागि श्रम स्विकृति लिनेतर्फ महिलाको संख्या न्यून रहेको ताहाचल कार्यालयको विवरणमा उल्लेख छ ।
ताहाचल कार्यालयका अनुसार १ भदौदेखि ३० सम्म ४ सय २१ जना महिलाले श्रम स्विकृति लिएका छन् त्यसयता ३५ जनाले मात्र श्रम स्विकृति लिएका छन् ।
ताहाचल कार्यालयका अनुसार २ असोजमा १३ जना, ३ असोजमा ८ जना र ४ असोजमा ४ जना महिलाले श्रम स्विकृति लिएका छन् ।
मन्त्रालय भन्छ– १० हजार ९ सयले लिए श्रम स्विकृति
कोभिड–१९ को संक्रमण फैलिएदेखि २९ असोजम्म १० हजार ९ सय ३४ जनाले नयाँ, पुनः र वैधानिकीकरणतर्फ श्रम स्विकृति लिएको श्रम, रोजगार तथा सामाजिक सुरक्षा मन्त्रालयको साप्ताहिक विवरणले जनाएको छ ।
मन्त्रालयका अनुसार पुनः श्रम स्विकृतितर्फ ९ हजार ४ सय ९८, नया“ श्रम स्विकृतितर्फ ८ सय ७८ र वैधानिकीकरणतर्फ ५ सय ५८ जनाले श्रम स्विकृति लिएका छन् ।
त्यस्तै, ३ सय २ जनाले गैर नेपाली नागरिकतर्फ नयाँ श्रम स्विकृति लिएको पनि मन्त्रालयले जनाएको छ । साथै, ४ सय ९९ जनागैर नेपाली नागरिकको श्रम स्विकृति नवीकरण गरिएको पनि मन्त्रालयले जनाएको छ ।
